Минбаъд дар Тоҷикистон барои кӯдак аз феҳристи номҳо ном гузошта мешавад
Санаи 26 июл дар конфронси матбуотие, ки дар шаҳри Душанбе баргузор гардид, вазири адлия Ҳаким Мирсаидзода хабар додааст, ки минбаъд барои навтаваллудшудагон номро қатъиян аз феҳристи номҳое, ки Вазорати фарҳанги Тоҷикистон таълиф додааст гузошта мешавад. Ҳамчунин ӯ қайд намудааст, ки риоя кардани феҳристи номҳои миллӣ барои шаҳрвандони миллати тоҷик маҷбурист.
Инчунин мансабдор қайд намуд, ки феҳристи номҳо хусусияти тавсифӣ дорад. Вале, чи тавре, ки феҳристи зерин ҳамчун санади расмӣ қайд шудааст, вазорати адлия риояи онро ба назорат мегирад: «Бинобар ин риоя намудани феҳрист маҷбурист. Дар феҳрист гуфта шудааст, ки ақаллиятҳои миллие, ки дар Тоҷикистон зиндагӣ ба сар мебаранд, метавонанд номҳоро гузоранд бо шарте, ки ба маданият ва урфу одатҳои худ риоя намоянд».
Ёдрас мекунем, ки каме пеш ҳукумати Тоҷикистон кӯшиш ба харҷ дода буд, ки номҳои вобаста ба Исломро манъ намояд, ки дар натиҷа баҳсу норозигиҳои зиёд дар ҷомеа гаштааст. Пас аз ин бо баҳонаи муҳофизати айнияти миллӣ ва бо фармони Эмомалӣ Раҳмон вазорати фарҳанг бо 4000 ном феҳристи зеринро таълиф додааст.
