Ӯзбекистон: 10 соли зиндон барои даъват ба намоиши эътирозӣ

Ӯзбекистон 10 соли зиндон барои даъват ба намоиши эътирозӣ

Чи тавре ки сомонаи centralasian.org менависад, дар Ӯзбекистон барои гузаронидани митингҳои номувофиқ шуда, ҷамъшавӣ, юришҳо ва намоиши эътирозӣ, аз ҷумла даъват ба чунин корҳо бо воситаи интернет метавонанд ҷавобгариро шиддатнок гардонанд.

Чи тавре ки иттило дода шудааст, меъёри мазкур аз ҷониби лоиҳаи қонун «Дар бораи даровардани тағйироту иловаҳо ба кодекси ҷиноии Ҷумҳурии Ӯзбекистон ва кодекси Ҷумҳурии Ӯзбекистон оиди ҷавобгарии маъмурӣ» пешбинӣ карда шудааст.

Дар санад муайян карда шудааст, ки даъват ба намоиши эътирозӣ дар сомонаҳои иҷтимоӣ мисли гузаронидани митинги номувофиқ шуда ҷиноят ба ҳисоб меравад. Бояд қайд кард, ки алҳол лоиҳаи қонун дар марҳилаи дида баромадан қарор дорад ва дар хусуси тафсилотҳои он чизе гуфта нашудааст. Лоиҳаи қонуни мазкурро ҳуқуқшинос аз шаҳри Тошканд шарҳ намуда мегӯяд, ки ин кӯшиши маҳрум сохтани арзи норозигии ҷомеа аз сиёсати ҳукумат дар сомонаҳои иҷтимоӣ ва кӯшиши тарсондани блогерон ва хабарнигорон мебошад.

Мансабдори ӯзбек, ки ба ҷараёни мазкур алоқаи бевосита дорад бо шарти ниҳонӣ ба хабарнигорон иттило додааст, ки муаллифи лоиҳаи мазкур Вазорати корҳои дохилии Ӯзбекистон мебошад. Айни замон лоиҳаи қонун  барои дида баромадан ва даровардани иловаҳову таклифҳо ба хадамоти қудратии кишвар ирсол карда шудааст.

«Лоиҳаи қонуни мазкурро дар сомонаи regul.gov.uz (сомонаи ҳукумат оиди муҳокимаи лоиҳаиҳои қонун) ҷустуҷӯ накунед. Зеро, санади мазкур махфӣ ва дар режими пӯшида коркард шуда буд. Лоиҳаи мазкур барои муҳокимаи оммавӣ пешниҳод карда намешавад…», хабар медиҳад мансабдори нусхаи лоиҳаи махфиро пешниҳод карда.

Ёдрас мекунем, ки бо фарорасии зимистон дар минтақаҳои гуногуни Ӯзбекистон намоишҳои эътирозӣ баргузор гардид: аҳолӣ бо талаби ҳалли муаммои қатъи гази табиӣ ва қувваи барқ ба кӯчаҳо баромаданд. Таҳлилгарон бар он ақидаанд, ки эҳтимол, намоишҳои мазкур режими ҳукумронро водор сохтааст, ки барои дар оянда пешгирии чунин намоишҳо  чораҳои ҷиддӣ биандешад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.