Уфа: Донишҷӯи тоҷик кӯдаки ғарқшавандаро наҷот доду худ ғарқ шуд
Як шаҳрванди тоҷики дигар аз ҳисоби ҷони худ кӯдакро дар Русия наҷот дод. Дар шаҳри Уфа донишҷӯи 18 солаи тоҷик Ҳоҷимурод Қаландаров кӯдакро наҷот дода худ вафот кард. Фоҷиа дар дарёи Белой рух дод. Қаландаров як кӯдаки ғарқшуда истодаро аз об кашида гирифт, вале худаш ба соҳил расида натавонист.
Ба гуфтаи шоҳидони ҳодиса, вақте Ҳоҷимурод кӯдаки ғарқшуда истодаро дид, фавран худро ба об партофт ва кӯдакро ба соҳил тела дод, аммо худаш наҷот ёфта натавонист. Рӯзҳои наздик ҷасади ӯро бо хатсайри махсус ба зодгоҳаш ба Тоҷикистон интиқол мекунанд. Хешовандони Ҳоҷимурод боварӣ доранд, ки ӯ ҳамчун қаҳрамон вафот кардааст.
Ҳоҷимурод Қаландарови 18-сола барои таҳсил аз Тоҷикистон ба пойтахти Башқордистон шаҳри Уфа омадааст. Имсол ӯ курси якуми донишгоҳи кишоварзиро хатм кардааст. Ғаввосон ҷасади ӯро танҳо пас аз чанд соат пайдо карданд.
Ёдрас мекунем, ки Ҳоҷимурод Қаландаров аз аввалин шахсоне нест, ки дар Русия амали қаҳрамононаро бо роҳи хатар ё қурбонии ҳаёташ содир кардааст. Аммо, мақомоти Русия танҳо дар бораи ҷинояти муҳоҷирони меҳнатӣ ҳарф мезанад, дар ҳоле ки расонаҳои шовинистии Русия аксар вақт диққатро ба чунин ҳодисаҳо бидуни зикр кардани миллати қаҳрамон ҷалб намекунанд.
