Дар Русия муҳоҷирони меҳнатӣ аз Тоҷикистон бедарак мешаванд

Дар Русия муҳоҷирони меҳнатӣ аз Тоҷикистон бедарак мешаванд

Ба гуфтаи ҳимоятгарони ҳуқуқ, дар Русия тамоюли бедаракшавии муҳоҷирони меҳнатӣ аз Тоҷикистон намоён мешавад, зимнан ҳамин ҳолат дар вақти дастгиршавӣ ва ё пас аз даъват шудан ба шӯъбаи полис рӯй медиҳад. Чи тавре ки радиои Озодӣ менависад, полиси Русия ҷавобан ба муроҷиати наздикони шахсони бедарак шуда, ҳолатҳои дастгиршавӣ ва даъват ба шӯъбаи полис шахсони бедарак шударо инкор мекунанд.

Ба гуфтаи ҳимоятгари ҳуқуқи муҳоҷирони меҳнатӣ Каримҷон Ёров, шахсан худи ӯ ба наздикони 20 нафар шаҳрвандони Тоҷикистоне, ки бедарак шудаанд ёрӣ ва кӯмак карда истодааст. Айнан ҳамин наздикони шахсони бедарак шуда иброз намудаанд, ки як-ду сол шудааст пас аз даъватшавии онҳо ба шӯъбаи полис бедарак ҳастанд. Ҳукумати Русия ҷавобан ба муроҷиатҳои мазкур мегӯяд, ки мо муроҷиати шуморо дида мебароем ва ё ҳолатҳои дастгиршавии муҳоҷири меҳнатиро қатъиян инкор мекунанд.

Як сокини ноҳияи Ҳамадонии вилояти Хатлон Мирзо Зарифов аз соли 2017 инҷониб ду бародари худро Усмон Зарифови 37 сола ва Бобохалил Саъдуллои 29 соларо кофтуков менамояд, ки санаи 13-ум ва 14-уми июни соли 2017 дар атрофи «Парк Солнтсево»-и шаҳри Маскав дастгир шуда буданд. Пас аз ду рӯзи дастгиршавии бародарон бо дархости ҳукумати Русия наздикони бародарон, ки дар ноҳияи Ҳамадонӣ ҳастанд пурсиш карда шудаанд, дигар маълумоте оиди бародарони дастгиршудагон гуфта нашудааст. Ҳам ҳукумати Русия ва ҳам ҳукумати Тоҷикистон баён мекунанд, ки оиди дастгиршавии бародарон маълумоте надоранд.

Ба ақидаи ҳимоятгари ҳуқуқ Каримҷон Ёров бедаракшавии муҳоҷирон ба ҳолати оддӣ табдил ёфтааст. «Аксарияти ҳолатҳои мазкур дар вилояти Маскав руй дода истодааст. Ҳукумат ҷавобан мегӯяд, ки онҳо дастгир накарданд ва ё мегӯянд, ки пас аз гузаронидани пурсиш дастгиршудагон озод карда шудаанд. Баъзеи дастгиршудагон дар хусуси ҳолаташон аз зиндон занг зада хабар медиҳанд, вале дар хусуси дигарон ягон хабаре вуҷуд надорад. Вақтҳои охир овозаҳое пайдо шудааст, ки гӯё ФСБ зиндонҳои махсус дорад ва шаҳрвандони хориҷие, ки дар алоқамандӣ бо ташкилотҳои террористӣ гумонбар дониста мешаванд, ба чунин зиндонҳо ирсол карда мешаванд», мегӯяд Ёров.

Инчунин ҳуқуқшиносон қайд мекунанд, ки ҳукумат бо таври лозимӣ муҳоҷирони бедаракшударо кофтуков намекунад. Дар айни замон, дар хадамоти вазорати меҳнат, муҳоҷират ва шуғли аҳолии Тоҷикистон дар Русия тасдиқ намуданд, ки ба хадамоти онҳо ҳар моҳ якчанд арзҳо оиди муҳоҷирони меҳнатии бедарак шуда қабул карда мешавад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.