Норасоии нон дар Туркманистон
Вазъияти бо озуқа таъмин кардани аҳолӣ дар Туркманистон бадтар шудааст, хабар медиҳанд хабарнигорони «Хроника Туркменистана». Дар шаҳри Йолотени вилояти Марий, дар мағозаҳои давлатӣ ҳар рӯз ба як оила ду нон фурӯхта мешавад. Оилаҳо вобаста ба макони зисташон ба мағозаҳои муайян таъин карда мешаванд.
Барои харидани нон, мардум сарфи назар аз сардиҳои ҳаво аз соати 4-и субҳ дар назди дӯконҳо саф мекашанд. Норасоии нон ҳатто дар пойтахт низ ба назар мерасад. Дар ин ҷо нон ҳар рӯз се маротиба ба дӯконҳо оварда мешавад, аммо ба миқдори кам, аз ин рӯ, ба ҳама намерасад. Нашрия менависад, ки мардум низ хеле пеш аз кушода шудани мағозаҳо навбат мегиранд.
Дар шаҳрҳои хурди вилояти Марий нархи давлатии нон, ки 0,5 манат аст, аксар вақт аз нархи давлатӣ гарон мефурӯшанд. Дар айни замон, ба як нафар на бештар аз ду нон фурӯхта мешавад. Тибқи гузоришҳои тасдиқношуда, аз 27-уми ноябр меъёри нон ба як дона коҳиш дода мешавад, менависад сомонаи Turkmen.news.
Тибқи иттилои Turkmen.news, шиддатнокӣ дар ҷомеа афзоиш меёбад, баъзеҳо кӯшиш мекунанд, ки аз набудани нон ба ҳокимият шикоят кунанд. Аммо, бино ба иттилои манбаъҳои Turkmen.news, номи чунин ашхос ба рӯйхатҳои махсус дохил карда шуда, нон ба онҳо аз ҳама охирин дастрас мешавад.
Дар Ашқобод низ камбудии нон ба назар мерасад. Сокинони микрорайонҳои 10, 11 ва 30-и шаҳр аз сифати пасти нон шикоят мекунанд. Агар шумо онро фавран нахӯред, пас рӯзи дигар он турш мешавад. Аз ин сабаб, мардум нони нимхӯрдаро дар яхдон нигоҳ медоранд.
Ёдрас мекунем, ки норасоии маҳсулоти асосии хӯрокворӣ дар Туркманистон ҳанӯз соли 2017 эҳсос шуда буд. Барои баромадан аз вазъ, мақомот ҳангоми паҳн кардани мол дар мағозаҳои давлатӣ аз маҳдуд кардани ҳаҷми молҳои ба як шахс фурӯхтани орд ва фурӯши орд ба таври қатъӣ тибқи шиносномаҳо чораҳои гуногуни маҳдудкунанда андешиданд. Аммо, дар натиҷа, ҳамаи ин тадбирҳо ҳеҷ натиҷае надод: норасоӣ холо ҳам идома дорад ва вазъият торафт бадтар шуда истодааст.
Ҳамзамон, режими Бердимуҳамедов барои нигоҳ доштани симои худ маблағҳои зиёдеро ба чорабиниҳои гуногуни дилхушӣ сарф карданро идома медиҳад. Зимнан бо қабули қарорҳо ва қонунҳои нави бемаънӣ, зиндагии бе ин ҳам вазнини мардумро бадтар месозад. Масалан, рӯзҳои гузашта Turkmen news гузориш дода буд, ки аз рӯзи 24-уми ноябр инҷониб нақлиётҳои рангаш сафед бо ҷузъҳои сиёҳ аз ҷониби полиси роҳи Ашқобод муоинаи техникиро гузашта наметавонанд. Тибқи иттилои нашрия, соҳибони чунин нақлиётҳоро маҷбур мекунанд, ки панҷараҳои радиатор, бамперҳо ва дигар қисмҳоро ба ранги сафед ранг намоянд, ва аз гузоштани аломат дар анҷоми бомуваффақияти санҷиш саркашӣ мекунанд, ҳатто агар он қисм аз ҷониби истеҳсолкунанда насб карда шуда бошад ҳам ва аз ҷиҳати техникӣ дубора ранг кардан ғайриимкон бошад ҳам. Хабар дода шудааст, ки чунин фармон аз ҷониби президент Қурбонгулӣ Бердимуҳамедов дода шудааст, ки вазири корҳои дохилӣ Мамметхан Чакиевро барои иҷрои ин фармон масъул кардааст.
