Табрикот бо фарорасии иди Рамазон!
Таҳририяти Портали иттилоотӣ-таҳлилии «Хабарҳо» мусулмонони ҷаҳон ва Осиёи Марказиро бо фарорасии моҳи шарифи Рамазон табрику таҳният мегӯяд.
Рамазон барои мусулмонон мафҳуми хос дорад, дар ин моҳ Қуръон нозил шуд, дар ин моҳ подоши тамоми корҳои нек даҳҳо маротиба афзоиш меёбад. Ин моҳ моҳи раҳмат, омурзиши гуноҳҳо ва ғалаба аст. Аз ҳама муҳим он аст, ки дуоҳо дар ин моҳ қабул мешаванд.
Аз Абуҳурайра (Аллоҳ аз ӯ розӣ бод) ривоят шудааст, ки Расули Худо (с) фармуданд:
«Се тоифаи одамон мавҷуданд, ки дуои онҳо рад карда намешавад: 1) ҳокими одил; 2) рӯзадор — ҳангоми кушодани рӯза (ифтор); 3) мазлумон. Дуои охиринро Аллоҳ болотар аз абрҳо мебардорад ва дарҳои осмонро барои ӯ боз мекунад ва ба ӯ гуфта мешавад: «Пас аз андаке бошад ҳам, ба ту ҳатман ёрӣ дода мешавад». (ривояти Тирмизӣ).
Аз Аллоҳ дуо карда мепурсем, ки тамоми корҳои неки моро қабул кунад ва гуноҳҳои моро биомурзад. Инчунин, мо аз Аллоҳ хоҳиш менамоем, ки ба беморон шифои комил бахшад ва ба мазлумон мадад кунад, инчунин дуо мекунем ки дар Тоҷикистон, Осиёи Марказӣ ва дар саросари ҷаҳон барпошавии он адолатеро муяссар гардонад, ки Ӯ (с.в.т) аз он хушнуд хоҳад буд.
