Тоҷикистон: акнун сомонаҳои иҷтимоӣ дар зери назорат қарор мегиранд

Санаи 12 июли соли ҷорӣ Маҷлиси Олии Тоҷикистон ташаббуси намояндагони халқ аз маҷлиси намояндагонро оиди бо ваколат таъмин намудани мақомоти ҳифзи ҳуқуқ барои гирифтани маълумот дар бораи сомонаҳое, ки шаҳрвандон зиёрат мекунанд дастгири намуд. Оиди мавзӯи зерин духтари президент Озодаи Раҳмон дар Маҷлиси миллӣ маҷлиси олии ҶТ баромад карда, ворид намудани ислоҳот ба қонун “Дар бораи фаолияти фаври-ҷустуҷӯӣ” пешниҳод намудааст.

Ёдрас мекунем, ки ташаббускори асосии ин ислоҳот намояндаи маҷлиси намояндагони ҶТ Ҷӯрахон Маҷидзода мебошад. Дар маҷлиси намояндагон ки санаи 7 июл баргузор гардид, Маҷидзода баромад карда гуфт, имрӯз зиёда аз 3 миллион аҳолии Тоҷикистон ба истифодабарии интернет имконият доранд. “Зиёда аз 80%-и онҳо сомонаҳои номатлубро зиёрат мекунанд, ки ба экстремистону террористон мутааллиқ мебошад”.

Бояд қайд намуд, ки солҳои охир аз тарафи режим якчанд ворид намудани ислоҳот дар соҳаи иттилоот қабул гардида буд. Ҳамин тавр, моҳи ноябри соли 2015  аз тарафи парлумони Тоҷикистон ворид намудани ислоҳот ба Қонун “Дар бораи мубориза алайҳи терроризм” тасдиқ гардид, ки ба мақомоти давлатӣ ҳуқуқи муҳосира кардани имконияти алоқаи мобилӣ ва интернет дода шуд. Соли 2016 бошад аз тарафи ҳукумати Тоҷикистон дар бораи сензура намудани барномаҳои телевизион ва радио, парвандаи ҷиноӣ барои таҳқир намудани Пешвои Миллат — Эмомалӣ Раҳмон қарор қабул гардида буд. Аз моҳи ноябри ҳамон сол “Маркази Ягонаи Комутатсионӣ” (МЯК) оиди назорати интернет ба кор дароварда шуд. Акнун ҳамаи ворид ва хориҷи трафики интернет ва алоқаи мобилӣ аз Маркази Ягонаи Комутатсионӣ мегузарад, ки барои гӯш кардани алоқаи мобилӣ, назорат ва пайгири намудани трафики интернет имконияти фароҳам меорад.

Ҳамин тавр, режим мехоҳад тамоми майдони иттилоотро зери назорат бигирад, ки дар он аҳолии кишвар қарор дорад. Зиёда аз ин ворид намудани ислоҳот ба Қонун “Дар бораи фаолияти фаврӣ-ҷустуҷӯӣ” барои бофтани парвандаҳои ҷиноӣ ба мақомоти қудратӣ имконияти васеъ фароҳам меорад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.