Имом-хатибони Тоҷикистон аз волидайн даъват намуданд, ки фарзандонро ба ҷои Иди Қурбон ба рӯзи дониш бубаранд
Дар масҷидҳои маҳаллӣ имом-хатибон дар хутбаи намози ҷумъа волидайнро даъват намудаанд, ки фарзандони худро 1-уми сентябр ба мактабу донишгоҳҳо бифиристанд. Зеро имсол Иди Қурбон бо рӯзи дониш рӯбарӯ омад.
«Ҷашнгириро касе манъ накардааст, азбаски Иди Қурбон 3 рӯз ҷашн гирифта мешавад, 1-уми сентябр рӯзи якуми Иди Қурбон фарзандони шумо бояд ба мактабу донишгоҳҳо бираванд», иброз намуданд имом-хатибон ба волидайн санаи 25-уми август.
Ба ақидаи имом-хатибон фарзандон метавонанд 2 рӯзи идро рӯзҳои шанбе ва якшанбе ҷашн гиранд. Ғайр аз ин, имомон ба сокинони маҳаллӣ муроҷиат намуданд, ки сайру-гашти идонаи фарзандонро маҳдуд намоянд. Дар навбати худ Иди Қурбон ба коркунони донишгоҳҳои таълимӣ рӯзи корӣ эълон гардидааст. Ҳол он ки рӯзи Иди Қурбон дар Тоҷикистон расман рӯзи истироҳатист.
Ҷолиби диққат аст, ки минтақаҳои мусулмоннишини Русия ҷашни рӯзи дониши 1-уми сентябрро бо вуҷуди он ки ба Иди Қурбон рост омадааст, рӯзҳои дигар ба таъхир гузоштаанд.
