Дар Ӯзбекистон сӯфигӣ ва илми каломро вусъат медиҳанд
Раисҷумҳури Ӯзбекистон Шавкат Мирзиёев санаи 15 декабр оиди ташкил намудани Академияи Исломии Ӯзбекистон қарореро имзо намуд. Тибқи қарори мазкур муассиси таҳсилоти олии илмиву тадқиқотии ғайридавлатӣ идораи мусулмонони Ӯзбекистон мебошад.
Дар академия соҳаҳои магистратура, докторантураи ибтидоӣ ва докторантура фаъолият хоҳад кард. Барои таҳсилот ва гузаронидани корҳои илмиву тадқиқоти академия шаҳрвандони Ӯзбекистон ва хориҷаро бар асоси шартномавӣ ва иона қабул менамояд. Барои тадқиқотчиёни мустақил таҳсилоти фосилавӣ ва гузаронидани тадқиқотҳои мустақилона имконият фароҳам овардан ба нақша гирифта шудааст.
Ҷолиби диққат аст, ки шумораи донишҷӯён дар соли 2018-2019 ҳамагӣ 16 нафарро ташкил мекунад.
Ғайр аз ин, Мирзиёев қайд намуд, ки дар академия исломи мӯътадил, яъне тариқати нақшбандия ва илми калом омӯзонида мешавад.
Инчунин Мирзиёев қайд намуд, ки мардуми Ӯзбекистон аз омӯзиши дини Ислом сахт қафо мондааст.
«Хафа нашавед, вале мо аз фаҳмидани Ислом қафо мондаем. Барои он қафо мондаем, ки наомӯхтем. Барои омӯхтани он шароити фароҳам ташкил накардем», ба сӯи имом-хатибон гуфт ӯ.
Ба ақидаи таҳлилгарон, гуфтаҳои Мирзиёев далолат ба он мекунад, ки ӯ роҳеро ба Ислом тағйир доданист, ки аз даври охирҳои солҳои 90-ум инҷониб амалӣ мешавад. Ба ҷои қатъиян манъ кардани Ислом ва ситами оммавӣ, Мирзиёев нақша дорад, ки дар зеҳни мардум дини сунъӣ, яъне «Исломи мӯътадил»- ро пайдо кунад. Дар таҷриба бошад, барои ҳар як кирду кори номатлубашон динро дастак намудан мебошад.
