Бахтовар Ҷумаев ба мақомоти Тоҷикистон муроҷиат кард
Ҳамсафи Иззат Амони боздоштшуда Бахтовар Ҷумъаев ба мақомоти Тоҷикистон муроҷиат кард.
Ҳомии ҳуқуқ дар паёми видеоии нимсоатаи худ гузориш медиҳад, ки мақомоти ҳифзи ҳуқуқи Тоҷикистон ба ҷои иҷрои вазифаи худ, таъқиби шаҳрвандони кишварро ки мавқеи фаъоли шаҳрвандӣ доранд идома медиҳанд. Ҳамин тариқ, кормандони Раёсати мубориза бо ҷинояткории муташаккилонаи ВКД Тоҷикистон падари ӯро барои доштани ҳисоби худ (ба маблағи 200 сомонӣ) аз Панҷакент ба Душанбе барои бозпурсӣ оварданд, ва паҳн кардани футболкаҳо бо акси Иззат Амон дар Москва ки дар он Бахтовар айбдор дониста мешавад ба пурсиш оғоз карданд.
Ёдрас мекунем, ки рӯзи 11 июн дар намози ҷумъа дар масҷиди ҷомеи Москва дар Проспект Мира чанд муҳоҷири тоҷик футболкаҳо бо акси Иззат Амон ва даъват барои раҳоии ӯ бо забонҳои русӣ, тоҷикӣ ва англисӣ гузоштаанд. Парвандаи Иззат Амон, ҳимоятгари маъруфи муҳоҷирони тоҷик, ки моҳи март ба Тоҷикистон депортатсия шуда ва бо иттиҳоми қаллобӣ боздошт шуда буд, низ таҳти раҳбарии Раёсати мубориза бо ҷинояткории муташаккилонаи ВКД қарор дорад.
Дар муроҷиати худ, Бахтовар низ даст доштани худ дар ин намоиш бо футболкаҳоро рад кард ва савол дод: «Оё шумо ин қадар аз як футболка бо акси Иззат Амон метарсед?».
Бахтовар мақомоти ҳифзи ҳуқуқи Тоҷикистонро, бахусус Раёсати мубориза бо ҷинояткории муташаккилро барои он интиқод кард, ки онҳо ба ҷои мубориза бо ҷинояткории муташаккилона ба «полис барои мубориза бо рақибони сиёсӣ» табдил ёфтанд. «Агар шумо ҷуръат дошта бошед, пас равед ва бо ҷинояткории муташаккил мубориза баред, ки нархи чиптаҳоро ба Русия аз 1000 то 1200 доллар афзоиш додаанд», — мегӯяд ҳомии ҳуқуқ.
