Ӯзбекистон: 12,5 млн сӯм ҷарима барои нашр дар бораи Ислом
21 июн додгоҳи ноҳияи Чилонзори шаҳри Тошканд оид ба корҳои ҷиноӣ яке аз муассисон ва роҳбари сомонаи интернетии Kun.uz Мақсудҷон Аскаровро ба ҷарима бо маблағи 12,5 миллион сӯм (1,1$ ҳазор доллар) маҳкум кард. Чунин ҳукмро додгоҳ барои нашри маводи исломӣ дар сомона бидуни гузаштан аз ташхиси динӣ баровардааст.
Аскаров тибқи моддаи 184 қ 2-и Кодекси ҷавобгарии маъмурӣ, яъне истеҳсол, нигоҳдорӣ, воридот ва ё паҳн кардани маводи динии ғайриқонунӣ айбдор дониста шуд. Парвандаро Саридораи мубориза бо терроризм ва экстремизми ВКД аз рӯи натиҷаҳои мониторинги интернетӣ оғоз кардааст.
Мақомот ба ҳафт нашрияи сомонаи интернетӣ таваҷҷӯҳ зоҳир кард: ду мусоҳиба бо муовини имом рӯзҳои 12 ва 17 апрел, мавод дар бораи як маъракаи хайрия дар масҷид рӯзи 16 апрел, табрикоти таҳрирӣ дар оғози моҳи мубораки Рамазон дар рӯзи 12 апрел, мақолае дар бораи моҳи зулҳиҷҷа ва мавод оид ба маҳр, инчунин дар бораи ҳиҷоб барои кормандони полис дар Зеландияи Нав аз 18 ноябри соли 2020.
Гарчанде ки дар натиҷаи ташхис ягон вайронкунии ин мақолаҳо аз ҷониби роҳбари нашрияи интернетӣ муайян нашуда бошад ҳам, ӯ дар вайрон кардани талаботи Қарори Девони Вазирон аз 20 январи соли 2014 «Дар бораи чораҳои тартиби амалисозии фаъолият дар соҳаи истеҳсол, воридот ва паҳн кардани маводҳои динӣ”, яъне ҳангоми омода кардани мавод бидуни ташхиси коршиносон айбдор дониста мешавад.
Инчунин, коршиносе, ки ташхиси мақолаи ҳиҷоб барои полиси Зеландияи Навро анҷом додааст, чунин мешуморад, ки «намоиши ҳадафноки кормандони полис дар ҳиҷоб, ҳатто дар кишварҳои ғайриисломӣ паҳн кардан манъ аст, зеро ин метавонад боиси тақвияти афзоиши махфии ихтилофҳо дар байни аҳолӣ оид ба ин масъалаҳо гардад.»
