Дар Тоҷикистон рейдҳо алайҳи ҳиҷоб азнав оғоз ёфт
Рӯзи 25 июн дар ТикТок видео наворе пайдо шуд, ки дар он як корманди ҳифзи ҳуқуқи Тоҷикистон аз як раҳгузари рӯймолдор талаб мекунад, ки рӯймолашро бадар кунад. Барои исбот кардани даъвои худ корманди ҳифзи ҳуқуқ оиди бегонагии рӯймол барои ҷомеаи Тоҷикистон ҳарф мезанад. Зан ба ӯ муқобилат карда мегӯяд, ки ӯ муслима аст ва касе ҳақ надорад, ки ӯро маҷбур кунад, ки рӯймолро рад кунад.
Видео навори мазкур дар ҷомеаи Тоҷикистон вокуниши васеъро ба амал овард, истифодабарандагони шабакаҳои иҷтимоӣ кормандони мақомоти ҳифзи ҳуқуқро барои ин амалашон танқид ва маҳкум карда, ба ҷасорати зан завқ карданд.
Блогери маъруфи тоҷик Абдураҳмон 09 ба «Хабарҳо» вазъиятро чунин шарҳ дод:
«Мутаассифона, паёмҳо ва наворҳои видеоӣ, ки рӯзҳои охир дар сомонаи Интернет дар бораи рейдҳо алайҳи занони ҳиҷобпӯш, ки дар кишвар оғоз ёфтанд, дуруст аст. Кормандони ҳифзи ҳуқуқ дубора ба боздошти занони ҳиҷобпӯш бо талаби он ки гӯё ин либос барои мардуми тоҷик бегона аст шурӯъ карданд. Режими Тоҷикистон бо амалҳои душманонаи худ алайҳи Ислом ва мусулмонон, зиндонӣ кардани олимон ва ваҳшоният алайҳи пайравони дин, аз ҷумла куштор, дер боз шинохта шудааст, имрӯз боз ҳамлаҳояшро ба занон оғоз кард.
Чанд муддат, пас аз он ки тоҷикон фаъолона ба паҳн ва фош кардани амалҳои режим дар сомонаи Интернет шурӯъ карданд, чунин рейдҳо қатъ шуданд, аммо, тавре ки мебинем, мутаассифона, он муваққатӣ будааст.
Мехостам ба муслима занони Тоҷикистон муроҷиат кунам: нагузоред, ки ҳиҷоби шуморо бадар кунанд, онро бо сари баланд бипӯшед ва танҳо аз Офаридгори оламиён битарсед! Бидонед, ки тоҷикон бо шумо ҳастанд!».
Ёдрас мекунем, ки бори аввал президент Эмомалӣ Раҳмон дар бораи бегонагии либоси исломӣ ба ҷомеаи Тоҷикистон дар соли 2015 ҳарф зада буд. Суханронии рӯзи 6 март дар Душанбе дар назди занони фаъол ба муносибати ҷашни ба ном «рӯзи модарон» ӯ занони ҳиҷобпӯшро танқид карда, онҳоро ба риоя кардани оинҳои бегонагон айбдор карда буд. Пас аз ин суханронӣ дар Тоҷикистон маъракаи зидди ҳиҷоб оғоз ёфт, ки то имрӯз идома дорад. Занҳои ҳиҷобпӯшро ба шӯъбаҳои полис бурда маҷбур карда мешуданд, ки рӯймолашонро бадар намоянд ва бо ин шаъну шарафи онҳоро паст мезаданд.
