Ӯзбекистон: мубориза алайҳи ҳуҷраҳо идома дорад
Дар рафти чорабиниҳои профилактикие, ки аз тарафи кормандони СШВКД шаҳри Тошканд бо ҳамкории Хадамоти Амнияти Давлатии ноҳияи Учтепа муайян гардид, ки шаҳрвандон Каримбаева Арофат, Рихсибаева Хадича ва Раупова Лобар бидуни маълумоти дахлдори динӣ ва иҷозати мақомоти марказии роҳбарикунандаи созмонҳои динӣ занон ва духтаронро ғайриқонунӣ таълими динӣ медоданд. Дар ин бора 10 августи соли ҷорӣ дар сомонаи расмии СШВКД шаҳри Тошканд хабар доданд.
Аз рӯи ҳолати мазкур барои ҷавобгарии маъмурӣ тибқи моддаи 241- и кодекси ҷавобгарии маъмурӣ ҷумҳурии Ӯзбекистон (вайрон кардани тартиботи таҳсилоти динӣ) парвандаи маъмурӣ оғоз гардид. Дар робитаи ин, ба ҳар кадоме аз номбаршудагон додгоҳ ҷазо дар шакли ҷарима ба маблағи 5 арзиши тарҳи асосӣ муайян намуд. Ҳамчунин, дафтари матбуоти маъмурияти ноҳияи Зангиотаи вилояти Тошканд аз боздошти як ҷавони 25-сола хабар дод, ки ба кӯдакон алифбои арабӣ, таҷвид, Қуръон ва забони арабиро таълим медод.
Дар гузориш қайд карда мешавад, ки шаҳрванди қаблан суднашудаи шаҳри Тошканд, соли таваллудаш 1996, дар ноҳияи Зангиотаи вилояти Тошканд пинҳонӣ «хуҷра» ташкил кардааст, ки дар он ба 25 кӯдак алифбои арабӣ, таҷвид ва Қуръони Карим таълим дода медодааст.
