Вазъияти муҳоҷирони меҳнатӣ аз Осиёи Марказӣ дар Русия

Маркази машваратии ҳимояи ҳуқуқи “Мадад” маърӯзаеро таҳти сарлавҳаи “Муҳоҷирони меҳнатӣ аз Осиёи Марказиро дар Русия бо баҳонаи мубориза алайҳи терроризм таъқиб менамоянд” нашр намудааст. Муаллифи маърӯза директори марказ ва аъзои маркази ҳимояи ҳуқуқи “Мемориал” Баҳром Ҳамроев мебошад. Дар маърӯза далелҳои зиёде оварда шудааст, ки вақтҳои охир намояндагон аз Осиёи Марказӣ қурбониёни хадамотҳои қудратии Русия шуда истодааст. Хадамотҳои махсуси Русия таҳти шиори мубориза алайҳи терроризм нисбати шаҳрвандони бечораи кишварҳои Осиёи Марказӣ мутлақ худсарӣ карда истодаанд. Бинобар ин, даҳҳо муҳоҷирон бо айбҳои бофташуда дар зиндонҳои Русия қарор гирифтаанд. Инчунин дар маърӯза масъалаи ғайриқонунӣ боздод кардани шаҳрвандони Осиёи Марказие, ки дар кофтуков қарор доранд аз ҷониби Русия ба ҳукуматдорони ин шаҳрвандон ифодаи худро ёфтааст. Инсонҳои бегуноҳро Кремл ба дасти ҳукмравоёни-ҷаллод месупорад.

Хабарнигори портали иттилоотӣ “Хабарҳо” бо муаллифи маърӯза Баҳром Ҳамроев тариқи телефон ба тамос баромада, барои додани шарҳу эзоҳ оиди ин масъала розӣ шудааст. Сабаби асосии бофта шудани парвандаҳои ҷиноӣ дар он аст, ки аз тарафи ҳукумадорон набудани ҳимоя мебошад, — мегӯяд ҳимоятгари ҳуқуқ.

“Муҳоҷирони мусулмон ҳимоя карда намешаванд, ҳатто дар қаламрави Русия низ онҳоро касе ҳимоя намекунад. Алҳол мусулмонон ҳокиме надоранд, ки воқеъан онҳоро ба ҳимояи худ гирад. Дар назди ҳукумати Русия вазифаи муайяне ҳаст, ки он  мубориза алайҳи терроризм ва экстремизм мебошад. Аз ин лиҳоз, муҳоҷирони меҳнатии аз Осиёи Марказӣ бе ҳимояро айнан дар  ин вазифа роли қурбон шудагонро иҷро мекунад”.

“Амалиёти таркиш дар метрои Санкт-Петербург, дар як қатор кишварҳои Русия муҳоҷирони меҳнатиро дастгир намудан, ҳамаи ин парвандаҳои ҷиноии бофташуда нисбати муҳоҷирони мусулмон сохтагӣ ва аз рӯӣ нақша иҷро шуданашро намоён мекунад”.

Роҳи ягонаи ҳалли ин муаммои муҳоҷирон дар бозиҳои сиёсии кишвари Русия дар он аст, ки бояд муттаҳид гашта, ҳуқуқҳои якдигарро якҷоя ҳимоя кардан, “Муташаккилии муҳоҷирон ва мусулмонони Русия дар даруни ҷомеа мебошад”,  — иброз намуд Баҳром Ҳамроев. Инчунин, директори марказ мегӯяд, ки аз тарафи хадамотҳои махсуси Русия на фақат таъқибкунии муҳоҷирони меҳнати аз Осиёи Марказӣ, балки кишварҳои мусулмоннишини  худ низ ба ин гирифтор мешаванд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.