Фаолони Бадахшон дар зиндон
Режими тоҷик саркӯбҳои худро алайҳи сокинони ВМКБ идома медиҳад. Додгоҳи шаҳри Хоруғ шоир ва наворбардори маҳаллӣ Муяссар Садоншоевро барои ҳамкорӣ бо гурӯҳи фаъолони «Комиссияи 44» ба 11 соли зиндон маҳкум гардид. Дар ин бора хабаргузории “Озодӣ” хабар медиҳад. Садоншоев тибқи моддаи 305 («Хиёнат ба давлат») КҶҶТ айбдор дониста шуд.
“Дар ҷараёни мурофиа гуфта шуд, ки Муяссар ба наворбардорӣ ва нашри мулоқотҳои “Комиссияи 44” дар интернет машғул будааст”, — гуфт яке аз наздикони маҳкумшуда. Ҳукми Муяссар Садоншоеви 28-сола рӯзи 24 июн аз тарафи додгоҳ хонда шуд. Ёдрас мекунем, ки “Комиссияи 44” дар шаҳри Хоруғ ҳангоми ҳодисаҳои моҳи ноябри соли 2021 аз ҳисоби фаъолони ҷомеаи шаҳрвандии ВМКБ таъсис дода шуда буд.
Қаблан дар Душанбе ду нафар фаъолони «Комиссияи 44», Шафтолу Бекдавлатови 64-сола ва Хуҷамри Пирмамадови 58-сола ба 18 соли зиндон маҳкум шуда буданд.
Ҳоло беш аз даҳ фаъоли боздоштшуда дар робита ба ҳаводиси ВМКБ дар Душанбе дар боздоштгоҳ нигоҳ дошта мешаванд. Дар миёни онҳо ҳуқуқшинос Фаромуз Иргашов, Хурсанд Мамадшоев, Музаффар Муборакшоев, Бахтовар Бахтиёров, раиси Ассотсиатсияи ҳуқуқшиносони «Помир» ва узви Эътилофи ҷомеаи шаҳрвандӣ зидди шиканҷа ва беҷазоӣ дар Тоҷикистон Манучеҳр Холиқназаров ва ҳомии ҳуқуқи башар Улфатхоним Мамадшоева низ ҳастанд.
