Муҷозот барои фейк дар бораи артиш
Мақомоти Тоҷикистон нақша доранд, ба Кодекси ҳуқуқвайронкунии маъмурӣ, ки муҷозот барои паҳн кардани маълумоти бардурӯғ ё тасдиқнашуда ва беасос дар бораи артиши миллӣ дар шакли ҷарима ё ҳабси маъмуриро пешбинӣ мекунад. Тарҳи дахлдори қонун дар бораи ислоҳот аз ҷониби Вазорати Дифои Тоҷикистон таҳия ва пешниҳод шудааст. Дар ин бора оҷонсии иттилоотии «Ховар» хабар медиҳад.
Вазорати дифо тавзеҳ дод, ки ин тағйирот ба хотири ҷилавгирӣ аз паҳн шудани маълумоти бардурӯғ ва носанҷида дар бораи шароити хидмат дар сафи Қувваҳои Мусаллаҳи Тоҷикистон ва ё маъракаи даъват ба хидмати ҳарбӣ тавассути ВАО, интернет, шабакаҳои иҷтимоӣ пешбинӣ шудааст. Дар байни аҳолӣ паҳн кардани ҳар гуна маълумоти бардурӯғ дар бораи Қувваҳои Мусаллаҳ фоизи бовариро ба онҳо ва дастгирии аҳолӣ коҳиш дода, ба обрӯю эътибор ва мудофиаи кишвар таъсири манфӣ мерасонад.
Қобили зикр аст, ки дар бораи рейдҳои ҷавонон, барои ҷалби онҳо ба хизмати ҳарбӣ, инчунин дедовшина дар артиши Тоҷикистон зуд зуд дар ВАО ва шабакаҳои иҷтимоӣ маълумот пайдо мешаванд.
Нозирон бар ин назаранд, ки ин қонун нусхаи комили қонуни мушобеҳи Русия мебошад. 4 марти соли равон дар Русия қонуне қабул шуд, ки бинобар он барои паҳн кардани «маълумоти бардурӯғ дар бораи истифодаи Қувваҳои Мусаллаҳи ФР, инчунин барои амалҳои оммавӣ, ки ба бадном кардани истифодаи Қувваҳои Мусаллаҳи ФР нигаронида мешавад» ҷавобгарии ҷиноӣ муқаррар шудааст. Муҳим он аст, ки ин қонун чанд рӯз пас аз ҳамлаи Русия ба Украина ва дар пасманзари эътирозҳои зиддиҷанг дар Русия қабул шуд. Пас аз қабули он, фаъолияти бисёре аз расонаҳои телевизиони дар Русия қатъ шудаанд.
