Раҳмон ба баъзе инсонҳо зиёрати ҳаҷро «манъ» кард

Дар баромади маросими кушодавии мактаби умумитаҳсилотӣ дар ноҳияи Рӯдакӣ, ки санаи 3-уми октябр баргузор гардид, раисҷумҳури Тоҷикистон Эмомалӣ Раҳмон ғайр аз сухани тайёр карда шуда илова намуда гуфт:

«Ба ду тоифа мардум зиёрати ҳаҷ шарт нест. Якум, касоне ки бо падару модараш муносибати нек доранд ва онҳо аз ӯ розӣ ҳастанд. Дуюм, касоне ки аз ҳисоби худ роҳ месозанд, пули роҳгузар бунёд мекунанд, ба деҳаҳое, ки об вуҷуд надорад об мегузаронанд ё ин ки барои беҳбудии инсоният худро ба эҷодкорӣ мебахшад ва аз илми ӯ дигарон истифода мебаранд». «Амалҳои мазкур аз ҳамаи намуди ибодату ҳаҷ боло меистад», илова намуд ӯ.

Бояд қайд намуд, ки албатта амалҳои номбаркардаи Раҳмон амалҳои шоиста ба ҳисоб мераванд, вале зиёрати ҳаҷ яке аз панҷ рукнҳои дини ислом мебошад, ки дар ин хусус дар байни мазҳабҳо, аз ҷумла дар мазҳаби Ҳанафӣ низ ихтилофе вуҷуд надорад. Ба ҳар як муслим агар шароит дошта бошад зиёрати ҳаҷ фарз мебошад ва амалҳои дигар ҳарчанд амалҳои шоиста бошанд ҳам ин фарзро аз мусулмон соқит карда наметавонад.

Ба масъалаи бунёди роҳ, мактаб, пули роҳгузар ва таъминкунии аҳоли бо об оем, тибқи ислом ин масъулият, на ин ки вазифаи баъзе афрод, балки вазифаи асосии давлат мебошад. Дар қисми 4-и моддаи 152, лоиҳаи сарқонуни Давлати Исломӣ, ки аз тарафи яке аз ҳизби байналхалқии исломиву сиёсӣ таҳия шудааст гуфта мешавад:

«Барои манфиатҳои умумӣ ва қулайиҳои асосӣ, монанди сохтани роҳҳо, масҷидҳо, мадрасаҳо ва шифохонаҳо низ аз байтулмол харҷ карда мешавад. Агар дар байтулмол маблағ кифоят накунад, дарҳол барои пўшондани ин хароҷот андозҳо ҷамъ карда мешаванд«.

Мушоҳидон қайд намудаанд, ки таи чанд сол аст, ки режими Раҳмон вазифаҳои асосии давлат оиди ободонии аҳолиро бар зиммаи афрод, яъне ба таври маҷбурӣ бар зиммаи соҳибкорон мегузорад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.