Тоҷикистон: Рӯзноманигорон ба экстремизм муттаҳам мешаванд
Сардори Раёсати мубориза бо ҷиноятҳои муташаккили Вазорати корҳои дохилии Тоҷикистон Шодӣ Ҳафиззода рӯзи 19 июл зимни нишасти матбуотӣ гуфт, алайҳи Абдусаттор Пирмуҳаммадзода бо моддаи 307, қ 1 (Даъвати оммавӣ дар ба амал баровардани фаъолияти экстремистӣ) Кодекси ҷиноятии Ҷумҳурии Тоҷикистон парвандаи ҷиноӣ боз шудааст.
Қаблан намояндаи Додситонии кулли Тоҷикистон гуфта буд, ки рӯзноманигор Абдусаттор Пирмуҳаммадзода бо иттиҳоми итоат накардан ба талаботи қонунии корманди милиса то 19 июл дар боздоштгоҳ нигаҳдорӣ мешавад. Рӯзноманигорро рӯзи 9 июл кормандони ВКД-и шаҳри Ваҳдат боздошт кардаанд.
Шодӣ Ҳафиззода дар нишасти матбуотӣ ҳамчунин дар бораи боздошти рӯзноманигор Абдуллоҳи Ғурбатӣ изҳори назар кард. «Тибқи маълумоте, ки мо дорем, рӯзноманигор Абдуллоҳи Ғурбатӣ дар зӯроварӣ нисбати корманди давлатӣ ва таҳқири ӯ, инчунин узвият дар Ҳизби наҳзати исломии мамнӯъ дар Тоҷикистон гумонбар дониста мешавад», — гуфт ӯ.
Қаблан расонаҳо хабар дода буданд, ки додситони ноҳияи Шоҳмансур алайҳи Абдуллоҳи Ғурбатӣ бар асоси қисми 1 моддаи 328 (истифодаи зӯроварӣ нисбати намояндаи мақомот) парванда боз карда шудааст.
