Мулоқоти сарони кишварҳои Осиёи Марказӣ

21 июл дар шаҳри Чолпон-Отаи Қирғизистон ҷаласаи чоруми машваратии сарони кишварҳои Осиёи Марказӣ баргузор шуд. Дар мулоқот созишномаи дӯстӣ, ҳамсоягии нек ва ҳамкорӣ барои рушди Осиёи Марказӣ дар асри ХХI ба имзо расид. Санади мазкурро Қазоқистон, Қирғизистон ва Ӯзбекистон имзо карда, Тоҷикистон ва Туркманистон аз имзои он худдорӣ карданд. Ба гузориши сомонаи раисиҷумҳури Қирғизистон, Тоҷикистон ва Туркманистон пас аз анҷоми расмиёти дохилӣ дар кишварҳои худ ба ин тавофуқ мепайванданд.

Тибқи ин созишнома, ҷонибҳо барои пешгирии таҳдидҳо ба истиқлолияти худ, соҳибихтиёрӣ ва ягонагии арзӣ ба якдигар дастгирии ҳамаҷониба ва кӯмаки мутақобила мерасонанд.

Дар сурати ба миён омадани вазъе, ки барои яке аз кишварҳо таҳдид мекунад, мумкин аст машваратҳои дахлдор ҳам дар шакли дуҷониба ва ҳам дар доираи мулоқотҳои машваратии сарони кишварҳои Осиёи Марказӣ бо мақсади муайян намудани таҳдиде, ки ба миён омадааст чораҳои пешгирии самаранокӣ гузаронида шаванд.  Дар созишнома ҳамчунин гуфта мешавад, ки кишварҳои Осиёи Марказӣ аз истифодаи нерӯи низомӣ алайҳи ҳамдигар ва ворид шудан ба иттиҳоди низомӣ мамнӯъ аст.

Нишасти сарони кишварҳои Осиёи Марказӣ бо ташаббуси Шавкат Мирзиёев бо ҳадафи “нигоҳ доштани муколамаи эътимодомез ва таҳияи равишҳои ҳамоҳангшуда оид ба масъалаҳои муҳими минтақавӣ” баргузор мешавад.

Нахустин нишасти раҳбарони минтақа моҳи марти соли 2018 дар Нур-Султони Қазоқистон, бори дуюм – моҳи ноябри соли 2019 дар Тошканд, нишасти сеюм моҳи августи соли гузашта дар минтақаи миллии сайёҳии Авазаи Туркманистон баргузор шуда буд.  Нишасти панҷум соли 2023 дар Душанбе баргузор мешавад.

Раиси гиромии ин ҳамоиш президенти нахустини Қазоқистон Нурсултон Назарбоев буд ва раёсати маъмулӣ ба соҳиби нишаст вогузор шудааст.