Ӯзбекистон: 5 соли зиндон барои нашид
Додгоҳи ноҳияи Олмазор Сардор Раҳмонқулови 21-соларо ба 5 соли зиндон маҳкум кард. Ба гуфтаи наздикони Сардор, дар давоми 15 рӯзи боздошташ Сардор сахт шиканҷа шудааст. Дар ин бора бахши ӯзбекии Би-би-сӣ менависад.
Сардор Раҳмонқулов, ки тақрибан 7 моҳ боз дар боздошт қарор дошт, рӯзи 30 январ аз ҷониби додгоҳи ноҳияи Олмазор бар асоси қисми 1 моддаи 244 Кодекси ҷиноӣ «Истеҳсол, нигоҳдорӣ, паҳн ё пешниҳоди маводҳое, ки ба амнияти ҷамъиятӣ ва тартиботи ҷамъиятӣ таҳдид мекунанд» гунаҳкор дониста шуд ва ба муддати 5 сол аз озодӣ маҳрум карда шуд.
Сардор, ки дар соҳаи IT кор мекард ба гуфтаи наздиконаш, прокурор барои ошкор кардани нашиде, ки соли 2020 дар аккаунти Telegram гӯш кардааст, 3 сол зиндон хост, аммо судя 5 сол дод.
Саида Сайдалиева , модари Сардор Раҳмонқулов, ба Би-би-сӣ гуфт, ки писарашро рӯзи 5 июли соли 2022 аз хонаи модаркалонаш дар Шайхонтоҳур кормандони ВКД ва Хадамоти амнияти давлатӣ (ХАМ) бурданд ва бо иттиҳоми авбошӣ ба муҳлати 15 рӯз боздошт карданд.
“Соати 7:30 саҳар пулис дарро куфт. Гуфтанд, ки аз наклиёташ маводи психотропӣ дарёфт шудааст, хонаро кофтуков карданд, телефон, компютер, сумкаашро мусодира намуданд, писарам, ки дар умраш ягон маротиба маводи мухаддир истеъмол накардааст, бо боварии том ҳамроҳи онҳо рафт”, гуфт Саида Сайдалиева.
Сипас Сардорро ба шӯъбаи мубориза бо терроризм бурданд ва аз ӯ паролҳои телефону компютерро талаб карданд, вақте ки аз додани парол саркашӣ кард, ӯро латукӯб карданд. Баъди тафтиш аз телефонаш ҳамон нашид ёфт шуд.
Ба гуфтаи Сардор, ӯро тақрибан ду ҳафта шиканҷа кардаанд, то нашри дорои хусусияти диниро дар шабакаи иҷтимоии Фейсбук эътироф кунад.
Нозирон қайд мекунанд, ки вақтҳои охир дар Ӯзбакистон ҳолатҳои сохтакории парвандаҳои ҷиноӣ аз ҷониби кормандони ХАД бо иттиҳомоти мушобеҳ зиёд шудаанд. Саида Саидалиева, ки 6,5 моҳ дар зиндони Зангиота ба писараш хурока мебурд, мегӯяд, дастикам 6 чунин оиларо вохӯрдааст. Ба ҳамаи онҳо ҳамон айбе, ки писараш айбдор шудааст муттаҳам мешаванд.
Ёдовар мешавем, ки президент Мирзиёев рӯзи 20 декабр дар муроҷиатномаи худ ба Маҷлиси Олӣ ва мардуми Узбекистон гуфта буд: «Мо ба ҳеҷ гуна ифротгароӣ дар ҷомеаи худ, заҳролуд кардани зеҳни ҷавонони мо бо ғояҳои харобиовари бегона, истифода аз дин барои ҳадафҳои сиёсӣ, иваз кардани дониш ба ҷаҳолатро роҳ намедиҳем».
