30 сол дар сари қудрат: Раҳмон аз муҳоҷирон шарм кард
28 декабри соли 2023 Президенти Тоҷикистон Эмомалӣ Раҳмон паёми солонаи худро ба парлумони кишвар ироа кард. Зиёда аз се соат президент ба порлумон суханронӣ карда, ба мавзӯъҳои мухталиф матраҳ намуд. Паёми мазкур аз тариқи тамоми шабакаҳои телевизионии кишвар мустақиман пахш гардид.
Дар оғоз интиқодҳои маъмулии кормандони давлатӣ ва мансабдорон барои беэътиноӣ дар баъзе соҳаҳо ба мушоҳида мерасид ва баъд аз он Раҳмон дар бораи муваффақиятҳои гӯё бемисли Тоҷикистон дар самти коҳиши камбизоатӣ, рушди иқтисоди кишвар, иқтидори энергетика ба нақл оғоз кард ва итминон дод, ки соли оянда маоши хизматчиёни давлатй ба 40% ва нафақа ба 30% зиёд карда мешаванд.
Таваҷҷуҳи хоси ҷомеаро изҳороти ғайричашмдошти ғамхории Раҳмон нисбат ба муҳоҷирони меҳнатӣ ба худ ҷалб кард. «Шахсан ман шароиту зиндагии муҳоҷирони меҳнатии тоҷикро дар хориҷи кишвар хуб медонам. Магар барои мову шумо айб нест? Натанҳо мардон, балки занҳо ва бонувони тоҷик ҳазорҳо ҳазор дар муҳоҷират ҳастанд. Мо нангу номус дорем? Онҳое, ки бо мақсади пайдо кардани ризқу рӯзӣ барои фарзандон азоб мекашанд ва садҳо ҷасади онҳо ба кишвар оварда мешаванд. Зеро мо роҳбарон аз боло то поён танҳо дар бораи нафси бади худ фикр мекунем», иброз намуд Раҳмон.
Нозирон қайд мекунанд, ки паёми ахири Раҳмон ҳарчанд ин дафъа ба бархе аз мавзӯъҳои нав матраҳ шуда бошад ҳам, як гузориши маъмулии мисли давраҳои шӯравӣ буд.
Намояндагони мухолифини тоҷик аз самимияти изҳороти ӯ дар мавриди вазъи муҳоҷирони меҳнатии тоҷик шубҳа карданд.
«Лаҳзае, ки таваҷҷӯҳи бисёриҳоро ба худ ҷалб кард, ин суханҳои Раҳмон дар мавзӯи муҳоҷирони меҳнатӣ буд. Раисҷумҳур дар баробари даъват ба нанг ва номус ҳамзамон сабабҳои ба амал омадани ин вазъият чизе нагуфт ва роҳи ҳалро низ ба забон нагирифт. Тӯли се даҳсолаҳо аст, ки муҳоҷирони меҳнатӣ дар бозиҳои сиёсии Кремл бо режими Раҳмон ҳамчун муомила истифода мешаванд. Онҳо афроди бидуни ҳуқуқ дар Русия буданд ва боқӣ мемонанд, ки ҳатто кишварашон онҳоро ҳимоя намекунад. Зеро режими Раҳмон ҳеҷ гоҳ ба вазъи муҳоҷирон таваҷҷӯҳи хоса надошт. Пас аз оғози ҳамлаи Русия ба Украина ва як қатор нокомиҳо дар майдони набард, Кремл эътибори русҳоро ба мушкилоти бартарияти муҳоҷирони меҳнатӣ дар Русия ҷалб карда, рейдҳои бераҳмона анҷом дод. Ҳамаи ин хашму ғазаби муҳочирони меҳнатиро ба бор овард ва боиси муроҷиатҳои сершумори аҳли чомеа ба ҳукуматҳояшон барои ҳимояи аҳолӣ гардид. Аслан муҳоҷирони меҳнатӣ маъмулан як бахши фаъоли сиёсии ҷомеаи кишвар маҳсуб мешаванд. Агар нисбати онҳо беэътиноӣ карда шавад, онҳо ба ноумедӣ дучор шуда, метавонанд ба режим таҳдиди ҷиддӣ эҷод кунанд. Махсусан дар заминаи эъзоми бахши артиши Русия ки дар Душанбе ва Бохтар ҷойгиранду ба Украина фиристода шудаанд, режими Раҳмон зери хатари ҷидди боқӣ мемонад. Маҳз ҳамин чиз Раҳмонро маҷбур кард, ки ба мушкилоти муҳоҷирони меҳнатӣ эътибор нигаронад», — гуфт блогери тоҷик Абдулло Аббосов.
