Имом-хатибони тоҷикро боз ба театр бурданд

Ҳафтаи гузашта ҳукумати Тоҷикистон имом-хатибон ва оилаи онҳоро маҷбур намуданд, ки ба театри ҷавонони ба номи Маҳмудҷон Воҳидов ба намоиши спектакли «Гумроҳон» бираванд. Спектакли «Гумроҳон» дар хусуси ҷавононе нақл мешавад, ки ба Сурия мераванд. Дар ин хусус санаи 20-уми октябр котиби матбуотии Кумитаи оид ба корҳои дини назди ҳукумати Тоҷикистон Афшин Муқим дар сомонаи Фейсбуки худ нашр намудааст.

Дар спектакли мазкур модари яке аз ҷавонони «муҷоҳид» ба Сурия рафтани писарашро мефаҳмад, ӯро ҳамчун «Хоини Ватан» лаънат мехонад ва мегӯяд: «Ба ту ҳеҷ гоҳ шири додаамро намебахшам».

Дар навбати худ, имом-хатиби ҳукуматии шаҳри Душанбе Абдулҳақ Обидов изҳор намуд: «Мо аз спектакли «Гумроҳон» сахт мутаасир гаштем. Мехоҳам, ки спектакли «Гумроҳон» ба ҳамаи табақаҳои ҷамъияти мо намоиш дода шавад ва ҷавонон минбаъд ба хатогии мазкур даст назананду ба ташвиқотҳо гӯш надиҳанд. Мо бояд ба инсонҳо бирасонем, ки ба ташвиқотҳои экстремистон аҳамият надиҳанд ва ҳама ба мазҳаби Имоми Аъзам пайрави намоянд.

Ёдрас мекунем, ки каме пеш имом-хатибони баъзе масҷидҳои Тоҷикистонро маҷбур намуда буданд, ки чиптаҳои консертро ба мардуми кишвар бифурӯшанд ва ба ақидаи мушоҳидон ҳолати мазкур низ якбори дигар ба фишорорӣ аз тарафи ҳукумат нисбати ходимони динӣ далолат мекунад. Бинобар ин, баёнотҳо ва ваъзҳои сиёсии онҳоро набояд қабул кард, зеро онҳо шахсҳои бидуни ихтиёри худ буда, ба режими кунунӣ пурра тобеъ мебошанд, ки гуфтаҳо ва кирдорҳои худро мувофиқи аҳкомҳои шариат ба иҷро намерасонанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.