«Дар Тоҷикистон маҳбусони сиёсӣ вуҷуд надоранд»
Бинобар ба андешаи Вазири адлияи кишвар Рустами Шоҳмурод дар зиндонҳои Тоҷикистон маҳбусони сиёсӣ вуҷуд надоранд, ҳамаи махбусон барои содир намудани ҷиноят адои ҷазо менамоянд, касе барои фаъолияти сиёсияш ба ҳабс гирифта нашудааст. Ин андешаи худро ӯ дар конфаронси иттилои изҳор кард ва илова намуд, ки дар қонунгузории кишвар истилоҳи «маҳбусони сиёсӣ» арзи вуҷуд надорад.
Мушоҳидон қайд мекунанд, ки ҳарчанд истилоҳи мазкур дар қонунгузории ҶТ вуҷуд надорад, аммо дар зиндонҳои режим ҳазорҳо маҳбусон барои дигарандешӣ адои ҷазо менамоянд ва тамоюли ба ҷавобгарӣ кашидан бо сабабҳои сиёсӣ дар даҳсолаи ахир хеле пурзӯр шудааст.
Ёдрас мекунем, ки аз соли 2015 инҷониб дар Тоҷикистон бо сабабҳои динӣ таъқиб намудан афзоиш ёфт. Айни замон ташкилотҳои ҳимоятгари ҳуқуқ дар хусуси шумораи маҳбусони сиёсӣ дар Тоҷикистон ҳисоботҳои гуногунро пешкаш менамоянд. Вале ба ақидаи мушоҳидон рӯйхати мазкур пурра нест, зеро дар он асосан танҳо аъзоёни ҲНИТ ва гурӯҳи 24 қайд шудааст, лекин омори шумораи маҳбусони динӣ, яъне фаолони динӣ, имом-хатибон ва шаҳрвандони оддии диндорро касе намебарад. Зимнан таъқибкуни нисбати фаъолони диндор асосан бо моддаҳои 179 («Терроризм»), моддаи 189 («Барангехтани кинаву адовати миллӣ, нажодӣ ва динӣ»), моддаи 307 («Даъвати оммавӣ барои тағйир додани сохти конститутсионии ҶТ бо роҳи зӯроварӣ»), моддаи 307 (1) («Даъвати оммавӣ барои фаъолияти экстремистӣ»), моддаи 401 («Зархаридӣ») Кодекси Ҷиноӣ ҶТ бурда мешавад.
Бояд қайд намуд, ки ғайр аз ин дар Тоҷикистон татбиқи масъулияти дастаҷамъӣ то ҳол идома дорад ва аз тарафи режим нисбати хешовандони касоне, ки бо нигоҳи сиёсияш ба ҳукумат номақбул мебошад чораҳои шиканҷадиҳӣ татбиқ мешавад.
