Дар Миср китоби навбатии Раҳмон пешкаш карда шуд

Чи тавре ки хадамоти матбуотии Вазорати умури хориҷӣ ҶТ иттило медиҳад, китоби Э.Раҳмон «Тоҷикондар оинаи таърих» дар шабакаи телевизионии Миср CBC Extra News пешкаш карда шуд.

Тибқи иттилои хадамоти матбуотӣ китоби «Тоҷикон дар оинаи таърих» дар шаҳри Қоҳира бо забони арабӣ дар чор ҷилд ба табъ расидааст.

«Санаи 25-уми декабри соли 2018 дар барномаи «Субҳи ин дам»-и шабакаи телевизионии Мисрӣ CBC Extra News китоби пешвои миллат Эмомалӣ Раҳмон пешкаш карда шуд. Китоби мазкур ба тамошобинон дар вақти ҳамсӯҳбати мустақим бо сафири Тоҷикистон дар Миср Хусрав Нозирӣ ба барандаи барнома Асмо Мустафо намоиш дода шудааст», гуфта мешавад дар хабар.

Мутахассисон ин ҳодисаи ғайриоддиро чунин шарҳ медиҳанд, ки барои ноил гаштан ба хушнудии Э.Раҳмон мансабдорон эҷодкорӣ менамоянд. Китоби мазкур нахустин китобе нест, ки гӯё ба калами худи Э.Раҳмон мансуб ва ё дар хусуси ӯ нависта шудааст, ба забонҳои гуногун тарҷума шуда дар хориҷа пешкаш карда шудааст.

Ёдрас мекунем, ки тобистони соли гузашта муовини раиси иттифоқи журналистони Тоҷикистон Ато Мирхоҷӣ дар асари худ раисҷумҳурро бо паёмбари Исо (а) қиёс намуда буд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.