Дар Ӯзбекистон аз волидайни донишҷӯён талаб доранд, ки ба фарзандони худ Исломро таълим надиҳанд
Пеш аз оғози таътили тобистона дар таҳсилотгоҳҳои миёнаи умумӣ вилояти Фарғонаи Ҷумҳурии Ӯзбекистон маҷлисҳои волидайн баргузор гардид. Мавзӯи асосии ба нақша гирифта шуда вақтҳои бекории донишҷӯён дар таътили тобистона буд. Дар маҷлис аз ҳар як волидайн ба таври маҷбурӣ забонхати муносиб гирифта шудааст.
Дар забонхати мазкур ҳар як волидайн ӯҳдадор мешавад, ки фарзандони худро ба имомон ва отунҳо барои омӯзондани Ислом равона насозанд.
Шералӣ Дӯстёров, ки фарзанди 12 солааш донишҷӯи мактаби рақами 4 шаҳри Марғилони вилояти Фарғона мебошад, дар ҳамсӯҳбат бо хабарнигори «Озодӣ» иброз намуд, ки санаи 28-уми май дар маҷлиси волидайн ӯ ба монанди дигар волидайн забонхат навиштааст ва дар он ӯҳдадор шудааст, ки дар вақти таътил фарзандашро барои омӯхтани Ислом ба назди имомон намефиристад, инчунин иҷозат намедиҳад, то фарзандаш ба бозиҳои компютерии табиати зӯроварӣ дошта машғул бошад.
Қайд кардан ба маврид аст, ки ба наздикӣ ба таври расмӣ бекор намудани маҳдудияти барои зиёрат намудани масоҷид аз тарафи ноболиғон, аз давраи собиқ раисҷумҳури Ӯзбекистон И. Каримов амалӣ шуда меояд. Маҳдудкунии синну соли зиёрати масоҷид бо ҳамроҳи дигар маҳдудиятҳо дар соҳаи дин, дар чорчӯбаи аз ислом дур намудани шаҳрвандон қабул карда шуда буд.
Бояд қайд намуд, ки кишвари Ӯзбекистон дар Осиёи Марказӣ ягона кишваре нест, ки дар он омӯзиши Ислом ба ноболиғони ба синни 18 сола нарасида мамнӯъ мебошад. Дар Тоҷикистон низ чунин мамнӯъият натанҳо дар зиёрати масоҷид то синни 18 сола нарасида, балки омӯзиши Ислом низ то синни 18 сола мамнӯъият арзи вуҷуд дорад. Барои волидайне, ки қонуни мазкурро вайрон менамоянд муҷозотҳо вуҷуд доранд, ҳатто ба ҷавобгарии ҷиноӣ кашида мешаванд.
