Ба донишҷӯёни тоҷик бидуни иҷозати Вазорати маориф ба хориҷ баромадан манъ карда шуд

Минбаъд донишҷӯёни тоҷик ва кормандони соҳаи маориф метавонанд танҳо пас аз иҷозати Вазорати маориф ва илми Ҷумҳурии Тоҷикистон ба хориҷа бароянд.

Донишҷӯи яке аз донишгоҳи маҳаллӣ ба хабарнигорон муроҷиат намуда иттилоъ дод, ки аз ҳамаи донишҷӯён ба қарори Вазорати маориф ва илм имзо гузоштанро талаб намуданд, ки агар донишҷӯ ба хориҷа сафар кунад, бояд аз хадамотҳои дахлдор иҷозатнома гирад.

«Шумо бояд санадҳои лозимаро ҷамъ намуда бо ариза ба номи ректор бисупоред, вале ба шумо иҷозат ба хориҷ аз кишвар баромадан ва ё набаромаданро Вазорати маориф ва илми Ҷумҳурии Тоҷикистон ҳал хоҳад кард», мегӯяд куратори яке аз гурӯҳи донишҷӯён.

Ба гуфтаи ӯ, ҳамаи донишҷӯён аз тартиботи нав огоҳ ҳастанд, касе тартиботро вайрон намояд аз донишкада хориҷ карда мешавад.

Санади мазкур аз се банд иборат буда, санаи 28-уми феврали соли 2018 қабул карда шуд. Яке аз бандҳои санади мазкур ба донишҷӯён, бакалаврон, ба магистрҳо, аспирантҳо, докторантҳо ва кормандони донишкадаҳо мутааллиқ аст, ки бинобар он шахсони номбаршуда вақте, ки ба хориҷа мебароянд бояд хадамотҳои дахлдорро огоҳ намоянд.

Санади мазкур барои баромадан хориҷ аз кишвар буда, аз зербандҳо иборат аст: мактуби расмӣ бо имзои ректори донишкада; нусхаи шаҳодатномаи хориҷӣ; шарҳи ҳол; нусхаи таклифнома ба маърака. Инчунин, анкетаи пуркарда оиди ташрифи кишварҳои хориҷа дар 4 соли охир; алоҳида қайд намудани мақсади мусофиратӣ бо ишора намудани зарурат; муҳокимаи мавзӯи дар назар дошта шуда ва ғайра; нусхаи маъракаи пешбинӣ шуда.

Санадҳои мазкур на дертар аз 15 шабонарӯз пеш аз мусофирати ба нақша гирифта шуда ба пуррагӣ пешниҳод карда шавад. Агар санадҳои дар боло зикршуда дертар пешниҳод карда шавад дида баромада намешавад. Ҳар шахсе, ки берун аз кишвар сафар кард на дертар аз 5 шабонарӯз бояд ҳисобот дар шакли хаттӣ оиди мусофирати худ, суратҳои ба навор гирифта шуда ва нусхаи санадҳои ба имзо расида шуда пешниҳод намояд.

Агар ҳисобот пешниҳод карда нашавад, сафар ба хориҷа дар оянда манъ карда мешавад.

Сиёсатмадорон қайд мекунанд, ки қонуни мазкур дар як саф бо қонунҳои бемантиқи режими Раҳмон ҷой гирифта, истилои Тоҷикистон дар замони Иттиҳоди Шӯравиро ба ёд меорад. Бо вуҷуди ин, эҳтимолан яке аз сабабҳои қабули қонуни мазкур дар он аст, ки ҳукумат мехоҳад дар ҷавонон огоҳии сиёсиву динӣ пайдо шуданро маҳдуд бисозад.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.