Русия: Вазорати меҳнат шумораи муҳоҷирони меҳнатиро маҳдуд намуданро пешниҳод намуд
Вазорати меҳнат ва ҳифзи иҷтимоии ФР лоиҳаи қарори ҳукумат оиди ҳиссаи имконпазирии коркунони хориҷӣ дар баъзе соҳаи иқтисод дар соли 2019 тайёр намуд, дар ин хусус ОИ «REGNUM» ба хадамоти матбуотии вазорат такя намуда иттилоъ медиҳад.
Тибқи лоиҳаи мазкур ҳиссаи коркунони хориҷӣ дар соҳаи сохтумон бояд 80% гардад. Айни замон бошад маҳдудкунии ҷалби коркунони хориҷӣ дар соҳаи мазкур вуҷуд надорад. Чи тавре ки хадамоти матбуотӣ қайд мекунад, маҳдудкунии пешниҳод шуда бо Вазорати сохтумон ва хоҷагии бошишгоҳи коммуналӣ, инчунин бо хадамоти иҷроиши ҳокимияти маҳаллӣ мутобиқ гардонида шудааст.
Ғайр аз ин, ҳиссаи коркунони хориҷӣ дар соҳаи фаъолияти нақлиёти боркашӣ ва нақлиёти мусофиркашӣ якҷоя бо Вазорати нақлиёт ва Иттиҳоди нақлиёти рус таклиф карда шудааст, ки аз 28% — и кунунӣ ба 26% ихтисор карда шавад.
Мутахассисон қайд мекунанд, ки дар шароити қашшоқшавии пурраи мардум ҳукумати Русия бо як илоҷ роҳеро пайдо намуда, мехоҳад барҳамхӯрии сиёсати иқтисодашро дар тӯли 18 соли ахир ҷуброн намояд. Даровардани якчанд маҳдудиятҳо барои омадани қувваи кории хориҷӣ эҳтимол аст, ки як қисми аз кӯшишҳои сиёсати мазкур мебошад.
