Дар Туркманистон нонро бо шиноснома мефурӯшанд

Чи тавре ки радиои Озодӣ иттилоъ медиҳад дар мағозаҳои шаҳри Ашқобод барои маводҳои хӯрокворӣ навбатҳои дароз мушоҳида карда мешавад. Дар ноҳияҳо нонро пас аз нишон додани шиноснома фурӯхта истодаанд. Дар шаҳр бошад, маводҳои хӯроквории асосӣ монанди шакар, орд, равғани растанӣ камчинӣ мушоҳида карда мешавад. Чи тавре ки «Альтернативные новости Туркменистана» иттилоъ медиҳад, дар мағозаҳои хӯроквории давлатии пойтахт ба як шахс 1 кило шакар ва 10 дона тухм муқаррар карда шудааст. Бо вуҷуди ин, ба кӯдакон маҳсулоти хӯрокворӣ муқаррар карда нашудааст.

«Дар Дашогуз дастрас намудани орд хеле мушкил аст. Барои дастрас намудани 3 кило орд ба сари кас, мардум як моҳ пешакӣ навбат мегиранд, ин ҳам бошад, дастрас намудани маҳсулотро кафолат намедиҳад. Сокинони кишвар дар ҳолати душвор қарор доранд, дар бозорҳо донагӣ вуҷуд надорад, нархи як кило ҷуворимакка то 13 манат афзоиш ёфтааст. Мардум ба маъмурият муроҷиат мекунанд, вале ғайр аз ваъдаҳои холӣ дигар чизе намегӯянд», мегӯянд хабарнигорон аз ноҳияи Дашогуз ва илова намудаанд, ки аз сабаби камчинӣ аксарият нонвойхонаҳо фаъолияти кориашонро қатъ намуданд.

Дар баъзе ноҳияҳо нонро ба мусофирон намефурӯшанд, танҳо ба сокинони кишвар бо тариқи нишон додани шиноснома фурӯхта мешавад.

Ёдрас мекунем, ки соли 2017 барои бозиҳои «Азиада — 2017» режими Бердимуҳамедов аз буҷаи давлат зиёда аз 8 млрд доллар сарф намуда буд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.