Дар Санкт-Петербург ба шаҳрванди Тоҷикистон ҳамла намуданд

Бинобар иттилои оҷонсии «Оперативное прикрытие» дар шаҳри Санкт-Петербурги Русия се нафар шахсони номаълум ба шаҳрванди Тоҷикистон ҳамла карда, бо яроқи травматикӣ ӯро захмдор намуданд. Ҳодисаи мазкур шаби 22-уми октябр дар назди таваққуфгоҳи метрои «Площадь Мужества» рӯӣ додааст.

Тақрибан соати 01:00 шаби 22-уми октябр се нафар шахсони номаълум ба назди шаҳрванди 23 солаи Тоҷикистон омада аз ӯ оташгиронак пурсиданд. Ба посухи ҷабрдида қонеъ нашуда, ӯро латукӯб мекунанд. Сипас яке аз онҳо тапончаи травматикиро бароварда ба қафаси синаи ҷабрдида тир кушод.

Ҷабрдида бо як аҳвол 4 километрро таӣ намуда, ба беморхонаи Елизаветинск муроҷиат намудааст, ки дар онҷо ӯро ҷарроҳӣ намуданд.

Тавре ки оҷонсӣ менависад, муҳоҷири меҳнатӣ пас аз ба худ омадан нақл намуд, ки тахминан соат 00:10 буд. Ӯ дар назди таваққуфгоҳи метрои «Площадь Мужества» қарор дошт. Ба наздаш се ҷавони номаълум омада аз ӯ оташгиронак пурсиданд. Сипас ӯро латукӯб карда, яке аз ҳамлагарон бо тапончаи травматикӣ муҳоҷирро захмӣ намуд. Тибқи иттилои оҷонсӣ, ҷабрдида дар қаламрави Русия қонунӣ кору фаъолият менамуд. Эҳтимол аст, ки ҷабрдида қурбони миллатгароёни рус гардидааст.

Ёдрас мекунем, ки муҳоҷирони меҳнатӣ аз кишварҳои Осиёи Миёна дар Русия мунтазам ба ҳамлаҳои миллатгароён дучор мешаванд. Мутахассисон қайд мекунанд, ки хадамотҳои ҳифзи ҳуқуқи Русия ба ҷиноятҳои мазкур эътибори ҷиддӣ намедиҳанд. Аз ин рӯ, беэътибории онҳо сабаби бидуни ҷавобгарӣ мондан ва идома додани ҷиноятҳои мазкур мегардад. Мушоҳидон қайд мекунанд, ки ҳукмдорони Осиёи Марказӣ тафтиши ҷиноятҳои мазкурро чи тавре ки ҳукмдорони давлатҳои дигар талаб мекунанд, тафтиши ҷиноятро талаб намекунанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.