Дар Тоҷикистон нархи сим корт то 250 сомонӣ афзоиш хоҳад ёфт
Хабар дар хусуси афзоиш ёфтани нархи сим корт аз 1-уми сентябр то 250 сомонӣ дар Тоҷикистон, хоҳишмандони дастрас намудани сим кортҳо бо тариқи ройгон дар шӯъбаҳои ширкатҳои мобилӣ сабаби навбатҳои дароз гардид.
Рӯзи гузашта аз ҷониби ширкатҳои мобилӣ ба муштариёни худ паёмак фиристода шудааст, ки аз 1-уми сентябр нархи сим корт 250 сомонӣ ($26,5) хоҳад шуд. Барои аз нав тартиб додани рақами мобилӣ низ айнан чунин миқдори маблағро пардохт карда мешавад. Чи тавре ки ОИ «Ховар» ба намояндаи Хадамоти алоқаи Тоҷикистон Абдуқаюм Исоев такя намуда иттилоъ медиҳад, сабаби афзоиш ёфтани нархи сим кортҳо амнияти ҳуқуқу озодиҳои инсон нигаронида шудааст.
«Аз сабаби хеле поин будани нархи сим корт истифодабарандагон метавонистанд дар вақти дилхоҳ харидорӣ намоянд, пас аз чанд вақт онҳоро мепартофтанд ё ин ки ба корҳои ношоям истифода мебурданд. Аз рӯи он, ки нархи сим кортҳо дар Тоҷикистон поин аст, дар ҳудуди Афғонистон сим кортҳои ширкатҳои мобилии мо хеле зиёд истифода бурда мешавад. Амалиёти террористие, ки нисбати шаҳрвандони хориҷӣ дар ҷануби кишвар карда шуд тасдиқи суханҳои дар боло зикршуда мебошад», иброз намуд А. Исоев.
Мушоҳидон қайд мекунанд, ки режимҳои кишварони Осиёи Марказӣ, алалхусус режими Раҳмон барои сафедкунии аксарияти корҳояшон пешбини намудани амнияти кишвар ва аҳолӣ, инчунин гӯё мубориза алайҳи «терроризм ва экстремизм» — ро баҳона мекунанд.
