Дар Тоҷикистон масҷидро ба мактаб табдил доданд

Тибқи иттилои радиои Озодӣ, шӯъбаи маорифи шаҳри Ҳисор масҷидро ба мактаби ибтидоӣ табдил дод.

Минбаъд дар бинои мазкур талабагони синфҳои 1-2 дарс мегузаранд. Сокинони маҳаллӣ шикоят аз он мекунанд, ки барои гузаронидани маросими ҷаноза ва дигар маросимҳои динии ҳатмӣ буда ҷоӣ надоранд.

Ҳимоятгари ҳуқуқ Маҳмурод Одинаев аз воқеи мазкури маҳаллаи Ҷӯгӣ воқиф буда мегӯяд, ки ҳукумат бояд ба сокинони маҳаллӣ бар ивази бино заминро барои сохтани масҷид тақдим менамуд.

Сокинони деҳаи Кӯчабоғ мегӯянд, ки масҷид 5 сол аст, ки фаъолият кардааст, акнун бошад онҳо барои ба масҷиди наздик рафтан 3 километрро тай мекунанд.

Бояд қайд намуд, ки ҳукумати Тоҷикистон тӯли солҳои охир аз болои ҳамаи намуди зуҳуроти ислом дар ҳаёти мардуми кишвар назоратро пурзӯр мекунад. Тибқи маълумотҳои охир дар кишвар зиёда аз 2000 масоҷид баста шудааст.

Тибқи баҳогузории мушоҳидон рафтори режими Раҳмон дар Тоҷикистон сиёсати дохилии Иттиҳоди Шӯравиро ба ёд меорад, ки дар он низ масҷидҳо баста шуда, мардуми мусулмони истилошуда барои риоя намудани дини худ ба таъқибкунӣ дучор мешуданд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.