Кумитаи оид ба корҳои дини Тоҷикистон ҷашнгирии Соли навро иҷозат дод

Кумитаи оид ба корҳои дини Тоҷикистон ҷашнгирии Соли навро иҷозат дод

Ҷашнгирии Соли нав аз тарафи мусулмонон, агар он ба эътиқоди динӣ вобаста набошад ба дини Ислом мухолифат надорад, хабари мазкурро ОИ «Ховар» ба намояндаи Кумитаи оид ба корҳои дин танзими анъана ва ҷашну маросимҳо Афшин Муқим такя намуда иттило медиҳад.

«Мутаассифона, шахсоне ҳастанд, ки аз даст кашидани ҷашнгирии Соли нав даъват мекунанд ва бо баҳонаҳои гуногун мехоҳанд ба эҳсосоти динии мардум зарба бизананд. Вале, воқеият чунин аст, ки дар ҷомеаи мо Соли нав ҳамчун иди динӣ эътироф нашудааст, ин як иди тақвимӣ аст, ё ин ки санаи ҳисоботиест, ки аз рӯи он натиҷаҳои соли гузашта ва нақшаҳои соли оянда тарҳрезӣ карда мешавад», — қайд намуд Афшин Муқим.

Ёдрас мекунем, ки пештар муфтии Ӯзбекистон Абдулазиз Мансур низ дар баромади худ барои ҷашнгирии Соли нав иҷозат дода иброз дошт, ки ҷашнгирии Соли нав ба дини Ислом мухолифат надорад. Вале, якчанд рӯз пас дар зери фишори ҷомеа маҷбур шуд мавқеи худро тағйир дода, аз гуфтаҳои худ даст кашид.

Ҷолиби диққат аст, ки дар соли 2011 муфтии Тоҷикистон Саидмукаррам Абдуқодирзода дар зери фишори ҷомеа оиди манъи ҷашнгирии Соли нав аз тарафи мусулмонон фатво бароварда буд. Мусулмонон бояд аз одатҳои худ пайрави намоянд. Ороиш додани арчаи солинавӣ, рақсу бозӣ аз маданияти мо нест. Дар он фатвое, ки дар сомонаи Шӯрои уламои Тоҷикистон нашр шуда буд аз ҷумла гуфта шудааст, ки ҷашнгирии Соли нави мелодӣ решаи динӣ дорад, аз ин рӯ, ин на танҳо ба шариати Ислом, балки ба урфу одатҳои тоҷикон низ мухолифат мекунад. Вале, каме дертар муфтии Тоҷикистон оиди ҷоиз будани ҷашнгирии Соли нав фатвои нав баровард. Ба суоли яке аз мизоҷони сомонаи Шӯрои Уламои Тоҷикистон ӯ аз ҷумла чунин посух дод: … «Ҷашнгирии Соли нав — ин одат аст, на ибодат. Дар оне, ки волидайн ба фарзандон тӯҳфаҳои солинавӣ медиҳанд, боке надорад».

Коршиносон бар он ақидаанд, ки барои ҷашнгирии Соли нав маҷбур намудани режимҳои кишварҳои Осиёи Миёна яке аз намудҳои мубориза алайҳи бедории диниву сиёсӣ мебошад, ки айни замон мардумони ин минтақа аз сар гузаронида истодаанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.