Путин: Русия пойгоҳи низомии худро дар Тоҷикистон пурзӯр мекунад
Президенти Русия Владимир Путин изҳор намуд, ки Русия пойгоҳи низомии худро дар Тоҷикистон пурзӯр мекунад, дар ин хусус ӯ санаи 20-уми декабр дар рафти конфронси матбуотӣ иттило намуд.
«Ба эътидол овардани вазъ дар Афғонистон танҳо бо роҳи созиш байни ҳамаи ҷонибҳои раванди сиёсӣ дар худи Афғонистон имконпазир буда, то ин вақт мо маҷбурем, ки имконоти пойгоҳи низомиамонро дар Тоҷикистон пурзӯр намоем”, — изҳор намуд Путин.
Мутахассисон қайд мекунанд, ки унсурҳои назорати неоколониалии Русия аз болои Тоҷикистон ба монанди боқӣ гузоштани пойгоҳи ҳарбӣ ба солҳои дароз, дар навбати аввал бо баҳонаи арзи вуҷуди хатар аз ҷониби Афғонистон омада истода таъмин карда мешавад. Ёдрас мекунем, ки соли 2015 пойгоҳи ҳарбии 201-и Русия ҷои худро иваз намуд, ки дар натиҷа полки гордии рақами 149 на дар назди Афғонистон, балки дар Душанбе пойтахти Тоҷикистон қарор гирифт.
