• Home »
  • Habarho »
  • Оё Русия бо давлатҳои Осиёи Марказӣ имкони ҷорӣ кардани низоми раводид (визовый режим)-ро дорад ?

Оё Русия бо давлатҳои Осиёи Марказӣ имкони ҷорӣ кардани низоми раводид (визовый режим)-ро дорад ?

Дар Шӯрои Федератии Русия, дар бораи ҷорӣ намудани низоми раводид бо як қатор давлатҳои ИДМ (СНГ), аз он ҷумла бо Тоҷикистон ва Ӯзбекистон изҳорот дода шуд. Дар ин бора муовини аввали раиси Кумитаи Шӯрои Федератсияи оид ба мудофиа ва амният Евгений Серебренников баёнот дод.

“Қонуни муҳоҷиратро навсозӣ ва сахттар бояд кард. Ҳар гоҳе, ки мо ягон қонунро иваз кардани шавем, аз таҷрибаи давлатҳои демократӣ намуна мегирем. Ин дар баъзе ҳолат нодуруст аст, зеро бехатарии давлат дар дараҷаи якум меистад.”- ин изҳоротро аз муовини аввали раиси ШФ “РИА Новости” менависад.

Ба гуфтаи ӯ, ҷорӣ намудани низоми раводид барои шаҳрвандони Тоҷикистон ва Ӯзбекистон, як чораи дарози батаъхирафтода, ки ҷараёни муҳоҷирати ғайриқонунии ба қаламрави Русияро қатъ хоҳад кард.

Ёдовар мешавем, мансабдорони соҳаҳои гуногуни Русия кайҳо боз кишварҳои Осиёи Марказӣ, аз он ҷумла Тоҷикистонро “метарсонанд”, ки аз сабаби хатари мавҳумӣ, ки фуқарои ин кишварҳо эҷод мекунанд, низоми раводид бояд ҷорӣ карда шавад. Ҳол он ки ин суханони онҳо ба ҷуз шиорҳои бетаъсир ягон маротиба аз тарафи мақомот ҷиддӣ ба эътибор гирифта нашудааст.

Ин ҷо саволе ба миён меояд, ки оё Русия метавонад низоми раводидро нисбати ин кишварҳо ҷорӣ намояд?
То он даме ки вазъи сиёсати ҷуғрофии (геополитика) ин минтақаҳо тағйир намеёбанд, дар бораи ҷорӣ кардани низоми раводид сухане гуфта намешавад.

Азбаски ҷорӣ кардани низоми раводид ба худи Русия номусоид аст ва кишварҳои Осиёи Марказӣ барои Русия аз ҷиҳати сиёсӣ муҳим мебошад, вай наметавонад ин кишварҳоро аз худ тела диҳад. Чунки аз ин фурӯпошии (крах) сиёсати хориҷӣ дар ин минтақа ба назар дошта мешавад.

Аз ин рӯ солҳои наздик Русия наметавонад низоми раводидро ба ин кишварҳо ҷорӣ намояд. Вай метавонад қонуни муҳоҷиратро нисбати халқи бе ин ҳам азияткашидаи Осиёи Марказӣ сахт ва тарангтар намояд.