Раиси шаҳри Тошканд ба хабарнигорон бо ҷазодиҳӣ таҳдид намуд

Раиси шаҳри Тошканд ба хабарнигорон бо ҷазодиҳӣ таҳдид намуд

Санаи 16-уми ноябр дар сегменти сомонаҳои иҷтимоӣ ӯзбек навори аудиоӣ паҳн гардид, ки дар он овози ба раиси шаҳри Тошканд Ҷаҳонгир Ортиқхӯҷаев монанд овозе сабт шудааст, ки нисбати хабарнигорони нашрияи-интернетии Kun.uz — Зафарбек Солиҷонов ва Баҳодур Ахмедов таҳдид ва таҳқир шудааст.

«Онҳо дар хусуси заводҳоям навишта, онҳоро монополия мегӯянд. Ва агар ба онҳо 10 ҳазор доллар дода шавад, ҳамоно таъриф карданро шурӯъ мекунанд! Онҳо кистанд?! Онҳо махлуқҳои пастанд!!! Оё онҳо фарзанди инсон ҳастанд ё ин ки фарзанди сагмодаанд? Ахмақҳои ифлоси бетарбия, — мегӯяд овозе дар навори сабтшуда. Ман метавонам чунон кунам, ки тамоми маҳалла аз шумо рӯ мегардонад, ҳамсояҳои шумо бо шумо салом кардан шарм медорад, боз чунон мекунам, ки падару модарҳоятонро таҳқир мекунанд! Ин барои ман кори осон аст! Оё шубҳа доред?! Бо роҳи осон метавонам шуморо гей бикунам. Ин мушкил нест! Озодии сухан аст! Бо гей якҷоя ба такси савор мекунам ва ба навор мегирам. Ин кори ман ба раисамон маъқул аст ва ё на, барои ман фарқе надорад, ман низ характер дорам!», — мегӯяд раиси шаҳри Тошканд дар навори аудиоӣ.

«Эҳтимол дар манзили зист гум хоҳед шуд ва шуморо касе намеҷӯяд! Ҳеҷ кас! Эҳтимол дар бораи шумо менависанд, ки дар обе ғарқ шудааст. Ҳаёт чунин аст. Аз ин рӯ, бо мо кор кунед ва ёри намоед», — ба хабарнигорон таҳдид намуд ҳоким.

Дар айни замон, ду хабарнигор аз сомонаи Kun.uz рафтанд ва дар сомонаҳои иҷтимоӣ навиштаанд: «Ман фарзанди сагмода ва махлуқи паст нестам».

Ёдрас мекунем, ки ҳолати мазкур якумин маротиба нест, ки мансабдор сокини кишварро таҳқир ва беобру менамояд ва ё таҳдид мекунад ва на танҳо бидуни ҷазо мемонад, балки дар мансаби худ кор карданро идома медиҳад. Масалан, моҳи октябри соли 2018 қазияе бо фермерон барои иҷро накардани нақша рух дод. Дар қазияи мазкур муовини сарвазир Зоир Мирзоев нақши асосиро иҷро мекунад. Наворҳои фермерон ки ҳамчун ҷазо дар ҷӯйбор рост истода буданд дар тамоми фазои интернет паҳн гардида буд. Айни замон Зоир Мирзоев дар мансаби раиси вилояти Қашқадарё фаъолияти худро идома медиҳад.

Мушоҳидон қайд мекунанд, ки ҳарчанд ҳукумати Ӯзбекистон кӯшиш намояд, ба чашми ҷамъияти байналхалқи ва мардумаш хок пошад, ки гӯё ислоҳотҳо мегузаронад, дар асл мушоҳида мекунем, ки ғайр аз бо ҳамсоякишварҳо наздикшавӣ чизи дигар тағйир наёфтааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.