• Home »
  • Habarho »
  • Русия: минбаъд муҳоҷирони меҳнатӣ бидуни асосҳои ҳуқуқӣ хоҳанд монд

Русия: минбаъд муҳоҷирони меҳнатӣ бидуни асосҳои ҳуқуқӣ хоҳанд монд

Замони наздик дар Русия лоиҳаи қонун ба кор дароварда мешавад, ки тибқи он шаҳрвандони Русияро бо ҳуқуқи бекор намудани ба қайдгирии шаҳрвандони хориҷӣ дар манзилгоҳи худ бидуни иштироки охирин дода мешавад. Тибқи тартиботи нав ба ҷониби қабулкунанда ба ВКД ФР навиштани ариза барои бекор намудани иҷозати ба қайдгирии шаҳрванди хориҷӣ кофист.

Чи тавре ки депутати Думаи давлатии ФР Сергей Гаврилов ба хабарнигорон нақл намуд: «Лоиҳаи қонуни мазкур дар ҷаласаи дуюми кумитаи Дума оид ба рушди ҷомеаи шаҳрвандӣ ва ташкилотҳои ҷамъиятиву динӣ ба итмом расонида шуд».

Ташаббускори пурзӯр намудани қонунгузории муҳоҷиратӣ исломситези машҳур, ноиби спикери парлумони поён ва пешбарандаи мақсадҳои ФСБ Ирина Яровая мебошад. Айнан ӯ ба шахсони воқеӣ ва ҳуқуқӣ барои қайдгирии шаҳрвандони хориҷиро агар «асосе барои ба қайд гирифтан дар манзилгоҳ набошад» иҷозати бекор намуданро пешниҳод кард.

Дар ҷаласаи дуюм депутатҳо лоиҳаи қонунро тартиб доданд ва ишора намуданд, ки «тарк намудани ҷои истиқоматӣ» асос барои бекор намудани ба қайдгирӣ шуда метавонад. Ҳатто, агар шаҳрванди хориҷӣ манзилгоҳро худ ба иҷора гирифта бошад ва онро бидуни огоҳ намудани соҳиби манзилгоҳ тарк карда бошад ҳам, ба қайдгирӣ бекор карда мешавад. Барои ин соҳиби манзилгоҳ ба ВКД ФР ариза нависад кофист.

Ҳимоятгарони ҳуқуқ қайд мекунанд, ки даровардани тағйирот ба қонуни мазкур боиси таҳдид ва ситонидани маблағи муҳоҷирони меҳнатӣ аз ҷониби соҳибхона шуда метавонад. Зеро ба ҳама маълум аст, ки аксарият шахсони воқеӣ ва ҳуқуқӣ бо маблағ муҳоҷирони меҳнатиро дар манзилгоҳи худ ба қайд медароранд.