Чин дар Туркистони Шарқӣ 16 ҳазор масҷидро вайрон кард
Чи тавре ки ОИ Reuters менависад, Вазорати корҳои хориҷии Чин иттиҳомотро барои татбиқи сиёсати хароб кардани мероси фарҳангии мардуми уйғур дар Шинҷон рад мекунад. Қаблан Донишгоҳи сиёсати стратегии Австралия (ASPI) режими Чинро барои қасди нобуд кардани мероси фарҳангии мусулмонон айбдор карда буд. Тибқи ҳисоботи ин созмон дар доираи сиёсати зидди исломии Пекин тақрибан 16 ҳазор масҷид дар Шинҷон хароб ва ё зарари ҷиддӣ дидаанд. Донишгоҳи сиёсати стратегии Австралия (ASPI) бо шарофати аксбардории моҳвораӣ ва моделсозии оморӣ чунин хулоса баровардааст.
Қаблан мақомоти Чин далели якбора коҳиш ёфтани сатҳи таваллуд дар ноҳияи мухтори Шинҷон-Уйғуристон дар соли 2018 — тақрибан сеяк дар муқоиса бо соли 2017 ба расмият шинохтанд, аммо хабарҳоро дар бораи тамъизкунии маҷбурии занонро дар Туркистони Шарқӣ рад карданд.
Ёдрас мекунем, ки имрӯз миллионҳо мусулмонон дар гӯён «Урдугоҳҳои азнавтарбиявӣ», ваҳшатҳое, ки дар чунин урдугоҳҳо рух медиҳанд, дар гузоришҳои созмонҳои байналмилалӣ бинобар гуфтаи онҳое, ки ба ин урдугоҳҳо ташриф овардаанд ва хешовандони касоне ҳастанд, ки дар чунин муассисаҳо қарор доранд борҳо гузориш додаанд.
Инчунин, Донишгоҳи сиёсати стратегии Австралия (ASPI) як гузориши навро интишор кард, ки тибқи он дар минтақаи Шинҷони Чин урдугоҳҳои нави «азнавтарбиякунии» уйғурҳо кашф карда шудаанд. Ба гуфтаи муҳаққиқон, Чин шабакаи боздоштгоҳҳои иҷбории уйғурҳо ва дигар мусулмононро тақрибан ба 100 урдугоҳ зиёд намуд.
