Тоҷикистон: вайронкунандагони карантинро ҷазо хоҳанд дод

Тоҷикистон: вайронкунандагони карантинро ҷазо хоҳанд дод

Дар Тоҷикистон сокинони маҳаллӣ аз чораҳои зидди вайронкунандагони тартибот норозӣ ҳастанд.

Тибқи иттилои Азия-Плюс, рӯзи 10 июн парлумони кишвар ба Кодекси ҷиноӣ ва маъмурӣ тағйирот ворид кард, ки тибқи он барои дар ҷойҳои ҷамъиятӣ бидуни ниқоб гаштан, риоя накардани масофаи иҷтимоӣ, инчунин паҳн кардани маълумотҳои бардурӯғ оиди пандемия ҷарима муқаррар карда мешавад.

Иқдоми мазкур хашму ғазабро дар сегменти тоҷикии шабакаҳои иҷтимоӣ ба вуҷуд овард, баъзе корбарон ин қарори ҳукуматро манбаи навбатии коррупсия номидаанд.

«Беморонро дар беморхонаҳо қабул намекунанд, ба хонаҳояшон барои табобат мефиристанд ва акнун худи ҳамон беморон ба ҷавобгарии ҷиноӣ кашида мешаванд? Ин як бемаънигист. Агар шуморо ба хонаатон равон кунанд, хоҳед нахоҳед дигар аъзоёни оилаатон низ сироят хоҳанд шуд”, — нафрат карда мегӯяд яке аз сокинон.

Барои бе ниқоб қарор доштан дар ҷойҳои ҷамъиятӣ ва риоя накардани масофаи иҷтимоӣ (ду метр) ҷарима ба миқдори аз 116 то 290 сомонӣ пардохт мекунед.

Ғайр аз ин, вакилон ба Кодекси дар бораи ҳуқуқвайронкуниҳои маъмурии кишвар тасмим гирифтаанд, ки барои паҳн кардани маълумоти носаҳеҳ ва бардурӯғ тавассути ВАО дар бораи пандемия ҷазои маъмурӣ дароварда шавад. Барои вайронкунандаи қонуни мазкур ҷарима барои шахсони воқеӣ аз 580 сомонӣ ва барои шахсони ҳуқуқӣ то 11 ҳазору 600 сомонӣ пешбинӣ шудааст.

Мушоҳидон қайд мекунанд, ки чунин тағирот барои режим хеле мусоид аст, зеро ҳама маълумот дар расонаҳои расмӣ дар бораи коронавирус дар Тоҷикистон боварибахш нестанд, маълумоти расмӣ дар бораи шумораи мубталоён ва шумораи фавтидагон хеле кам нишон дода мешавад, ки дар натиҷа мардум асосан маълумотро аз манбаъҳои мустақил мегиранд.

Ёдрас мекунем, ки қаблан мақомот як сомонаи мустақилро баста буданд, ки рӯйхати фавтидагонро аз пневмонияи дуҷониба бо нишонаҳои шабеҳи COVID-19 нашр мекард.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.