Дар Хабаровск амали террористиро пешгирӣ карданд: муҳоҷири меҳнатӣ дастгир шуд

Дар Хабаровск амали террористиро пешгирӣ карданд муҳоҷири меҳнатӣ дастгир шуд

ФСБ-и Русия видеонавори дастгиркунии гӯён «террорист»-ро нашр кард, ки гӯё ӯ дар ҷои ҷамъиятии шаҳри Хабаровск ҳамлаи террористиро омода карда буд. «Шаҳрванди яке аз кишварҳои Осиёи Марказӣ, соли таваллудаш 1988, дастгир карда шуд, ки бо супориши роҳбарони терроризми байналмилалӣ қасд дошт бо истифода аз силоҳи оташдор дар ҷойҳои серодам амали террористӣ анҷом диҳад», — ба хабарнигорон изҳор намуданд дар ФСБ.

Дар видеонавор дида мешавад, ки боздошт дар яке аз саҳни ҳавлӣ сурат гирифтааст. Мардро аз нақлиёташ берун карданд ва пас аз он дорои халтаи худро ба замин баровард: дар он якчанд шиша омезиши оташин, парчам ва корд мавҷуд буд.

Коршиносон ва рӯзноманигорони мустақил дар хусуси бофташавӣ фавран эълон карданд. Ҳатто миллатгарои машҳури рус Дмитрий Демушкин, бо вуҷуди ақидаи худ, ба ин боздошт эътимод надорад. Дар саҳифаи Фейсбуки худ ӯ мегӯяд: «Ман як марде ҳастам, ки даҳҳо маротиба аз ҷониби хадамоти махсус боздошт шудаам ва ба бисёр чизҳои аҷоиб шоҳид гардидам. Аммо, аз рӯи шарҳҳои дар зери видеонавор буда маълум аст ки ман танҳо нестам. Он чизе ки мо мебинем ин аст, ки ду корманди хадамоти махсус бидуни аслиҳа ва зиреҳпӯш дари нақлиёти террористро мекушоянд ва ӯро дастгир мекунанд. Аҷиб аст, агар он дар баста шуда бошад ё аз он ҷо тирандозӣ мекарданд, магар онҳо террорист набуданд? Ғайр аз он, дида мешавад, ки қувваҳои махсус ҳангоми дастгиркунӣ ба ронанда даст нарасонданд, пойҳои ӯ ба навор афтидаанд, нақлиёт аз дасти рост аст ва ӯ ҳангоми сабти видео ҳамеша оромона нишастааст. Тирезаҳои пушти нақлиёт пурра сиёҳ карда шудаанд, кормандони қувваҳои махсус наметавонистанд бинанд, ки дар дохили нақлиёт чӣ ҳодиса рӯй дода истодааст.

Акнун диққат намоед, кормандони қувваҳои махсус ба террорист пешниҳод мекунанд, ки ҳама чизеро, ки дар халтааш аст, берун кунад.  Ана барои ту террористи исломӣ, ки  омода аст дар ҷиҳод бимирад», — менависад Демушкин.

Ҷолиби диққат аст, ки баъзе фаъолони мухолифини Русия пеш аз зуҳури ҳамлаи террористӣ фавран пас аз оғози намоишҳои оммавӣ дар Хабаровск пешгӯӣ карданд ва қайд карданд, ки хадамоти махсус аксар вақтҳо чунин услубро истифода мебарад.

Ёдрас мекунем, ки дар Хабаровск даҳ рӯзи охир тазоҳуроти зиддиҳукуматӣ, ки пас аз ҳабси губернатор Сергей Фургала оғоз шуда буданд, хомӯш нагардидааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.