Русия ба муҳоҷирони меҳнатӣ эҳтиёҷ дорад
Дар ояндаи наздик Русия бо муаммои камшавии қувваи корӣ рӯбарӯ мешавад. Дар ин хусус мутахассисони маркази истихроҷи стратегӣ хабар додаанд.
Мутахассисон бар он ақидаанд, ки ҷараёни коргарони хориҷа дар Русия кам хоҳад шуд. Барои ҷалб намудани кадрҳои меҳнатӣ пеш аз ҳама меъёрҳои нав дар сиёсати муҳоҷиратӣ лозим аст ба монанди раводидҳои корӣ, лотореяҳои Green card ва шартномаҳо барои ҳамгироии муҳоҷирон. Мутахассисони маркази истихроҷи стратегӣ дар маърӯзаи: «Сиёсати муҳоҷиратӣ: ташхис, даъват ва таклиф» бар он ақидаанд, ки бозори меҳнатии Русия барои муҳоҷирони меҳнатӣ қадри худро гум мекунад ва бидуни онҳо ихтисоршавӣ аҳолии коршоямро пур кардан ғайриимкон мебошад.
Мутахассисон қайд мекунанд, ки дар шароити ихтисори аҳолии коршоям (коҳишёбии умумӣ то соли 2030 аз 11 млн нафар то 13 млн нафар афзоиш хоҳад ёфт) бозори меҳнатии Русия бидуни муҳоҷирати меҳнатии хориҷӣ истодагарӣ карда наметавонад.
«Хусусан соли 2017 ба мо нишон дод, ки аҳолии Русия бидуни муҳоҷирон дар сатҳи тағйирнопазир қарор ёфта наметавонад», иброз намуд таҳқиқгари пешбари институти демографии Мактаби олии иқтисодӣ ва яке аз муаллифони маърӯзаи мазкур Никита Мкртчян.
Ихтисоршавии аҳолии Русия аз сини соли 20-64 то соли 2020 давом хоҳад ёфт, гуфт ӯ.
«Дар мо ҳанӯз ихтисоршавии аҳолӣ дар сини соли коршоям оғоз ёфт ва коҳиши зиёд дар оянда аст… Агар коҳишёбии табиӣ (аҳолӣ) аз 200-300 ҳазор гузарад, бо афзоиши муҳоҷирати имрӯза ҷои онро пур кардан ғайриимкон мебошад», ишора намуд мутахассис.
Дар бозори меҳнати таҳарруки дохилӣ касри коргаронро пур карда наметавонад. Зеро манбае барои афзоиши муҳоҷирати дохилӣ вуҷуд надорад, қайд намуд Мкртчян. Музофоти Русия бо зуди холӣ мешавад. Чунки берун аз шаҳрҳои калон аҳолӣ дар натиҷаи муҳоҷират ба 0,5 млн нафар дар як сол ихтисор мешавад. «Танҳо муҳоҷирати байналхалқии на он қадар зиёд 250-300 ҳазор нафар дар як сол ҳамаро дошта истодааст. Бо баробари нигоҳ доштани шароитҳои иқтисодии мазкур барои кишварони ИДМ, яъне донорҳои асосии муҳоҷирати меҳнатӣ дар Русия бозори қувваи меҳнатӣ қадри худро гум мекунад. Ихтисоршавии ҷараёни коргарони хориҷа, ки соли 2015 шурӯъ гардида буд давом хоҳад ёфт. Шумораи коргарон аз Ӯзбекистон ва Тоҷикистон дар соли 2015-2016 нисбат ба нишондодҳои соли 2014 тақрибан 15% коҳиш ёфтааст. Бо сабаби бӯҳрони иқтисодӣ, муҷозотҳо, беқадр шудани қурби рубли русӣ шумораи ками муҳоҷирони бо ихтисос бо зуди ихтисор шуд. Агар дар соли 2014 158,6 ҳазор мутахассис барои кору фаъолият дар Русия иҷозатнома гирифта бошанд, нишондоди мазкур дар соли 2015 22,1 ҳазорро ташкил намуд ва дар соли 2016 бошад ин нишондод 14,2 ҳазорро ташкил намуд.
Ёдрас бояд кард, ки солҳои ахир ҳукумати Русия дар ҳақиқат қонунгузории муҳоҷиратиро пурзӯр намуд ва парвандаҳои ҷиноятӣ бо айбҳои бофташуда нисбати муҳоҷирони меҳнатӣ аз Осиёи Марказӣ дар экстремизм ва терроризм дар амал ҷорӣ намуд. Бо амали мазкур ҳукумати Русия решаҳои худро дар сари қудрат устувор намуда, ҳаргуна мухолифатро решакан менамояд.
