Шинҷон: ҷои 1-ум дар ҷаҳон
Хабаргузории Associated Press бо истинод ба ифшои ҳукумати маҳаллӣ гузориш дод, ки тақрибан аз ҳар 25 нафар дар деҳоти Конешеҳри вилояти Шинҷони Чин бо иттиҳоми марбут ба терроризм ё ифротгароӣ зиндонӣ шудаанд. Аз рӯи ин маълумотҳо, шумораи маҳбусон ба сари аҳолӣ дар ин минтақа дар ҷаҳон баландтарин аст, менависад Радиои Озодӣ бо истинод ба АП.
Дар ин рӯйхат, ки аз ҷониби АП дастрас ва қисман тасдиқ шудааст, номи беш аз 10 000 уйғур зикр шудааст, ки танҳо дар як вилояти Шинҷони ҷануби кишвар зиндонӣ шудаанд. Тибқи маълумоти ин рӯйхат, ҳукме, ки ба сокинони деҳоти дорои 267 ҳазор нафар аҳолӣ дорад, аз 2 то 25 сол, ба ҳисоби миёна 9 солро ташкил медиҳад. Ҳарчанд бисёре аз афроди дар ин феҳрист дар соли 2017 боздошт шуда буданд, ба гуфтаи намояндагони уйғурҳои бурунмарзӣ, дарозии ҳукмҳо аз он шаҳодат медиҳад, ки аксарияти кулли боздоштшудаҳо то ҳол дар зиндон ҳастанд.
Дар миёни боздоштшудагон ва зиндониён намояндагони қишрҳои мухталифи мардум, аз ҷумла ҷавонон ва пиронсолон мебошанд. Ҳамаи онҳоро як чизи умумӣ муттаҳид мекунад: онҳо уйғур мебошанд. Феҳристро ба Евгений Бунин, пажӯҳишгари «лагерҳои» Шинҷон, як манбаи номаълум, ки худро «намояндаи аксарияти хонҳо, ки ба сиёсати ҳукумати Чин дар Шинҷон мухолиф ҳастанд» муаррифӣ менамояд, пешкаш кардааст.
