Раҳмон: Ҳокимият набояд бо роҳи зӯроварӣ бунёд гардад

Раҳмон: Ҳокимият набояд бо роҳи зӯроварӣ бунёд гардад

Рӯзи 25 август президенти Тоҷикистон вазири умури хориҷии Покистон Маҳдумшоҳ Маҳмуд Қурайширо ба ҳузур пазируфт ва дар бораи вазъи сиёсии Афғонистон ва мавқеи мақомоти Тоҷикистон дар ин замина чанд изҳорот дод.  Дар ин бора хабаргузории «Ховар» хабар медиҳад.

Раисиҷумҳури Тоҷикистон дар мулоқот бо вазири умури хориҷии Покистон гуфт, ки мақомоти Тоҷикистон ҳеҷ гоҳ ҳукумати Афғонистонро, ки бо роҳи зӯроварӣ ва беқонунӣ бунёд шудааст, эътироф нахоҳад кард.

«Ҷумҳурии Тоҷикистон таъкид мекунад, ки барои зуд ҳал кардани мушкилоти сиёсии кишвари ҳамсоя, ҳарчи зудтар бо иштироки ҳамаи ақаллиятҳои қавмӣ, аз ҷумла тоҷикони Афғонистон, ки 46%- и аҳолии ин кишварро ташкил медиҳанд, ҳукумати ҳамаҷонибаи фарогир таъсис диҳанд. Пас аз он, ки низоми давлатӣ дар ин кишвар бояд бо роҳи раъйпурсӣ бо назардошти мавқеи ҳамаи шаҳрвандони кишвар муайян карда шавад.  Тоҷикистон дар ҳеҷ маҳал ҳукуматеро, ки бо роҳи зӯроварӣ ва беқонунӣ бунёд шудааст, бе назардошти мавқеи тамоми аҳолии Афғонистон, хусусан ақаллиятҳои қавмии он кишвар, эътироф нахоҳад кард», — гуфт Эмомалӣ Раҳмон.

Истифодабарандагони шабакаҳои иҷтимоӣ фавран ба ин изҳорот посух доданд, ки худи режими Раҳмон тибқи принсипи мансубияти кланӣ ва минтақавӣ бо роҳи аз байн бурдани мухолифон, саркӯбҳо алайҳи ҳизбҳои сиёсии мухолифин ва шахсиятҳои бонуфузи мустақил, ки метавонанд бо режими кунунӣ рақобат эҷод кунанд, ташаккул ёфтааст. Дар бораи саркӯбҳои густарда алайҳи сокиноне, ки аз татбиқи тарҳи сиёсии исломӣ дар кишвар ҷонибдорӣ мекунанд чи боки сухан мондааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.