Трамп: Сарвари ҶХДК — девонаест, ки мушакҳояшро ба росту чап ҳаво медиҳад
Раисҷумҳури ИМА Доналд Трамп боз хархашаи даҳанакии худро бо сарвари Кореяи шимолӣ Ким Чен Ин идома дода охиринро девона номид, ки мушакҳояшро ба тарафи росту чап ҳаво медиҳад. Инчунин, ваъда додааст, ки вазъияти барномаи ядровии Кореяи шимолиро, ки пешгузаштаҳояш карда натавонистанд, ҳал хоҳад кард.
Тибқи иттилоӣ ВАО, санаи 23 сентябр Трамп дар намоиши эътирози, ки дар иёлоти Алабама баргузор гардидааст, нисбати сарвари Кореяи шимолӣ гуфт: «Бо инсони-мушак кайҳо инҷониб ба итмом расонидан лозим буд. Мо ба ҳар як девона ба тарафи росту чап ҳаво додани мушакҳояшро иҷозат намедиҳем».
«Масъалаи ӯро бояд Клинтон ё Обама ҳал менамуд, номҳои ҷумҳуриятхоҳонро номбар кардан намехоҳам. Вале ин корро бояд ман ба охир расонам. Зеро ин корро бояд мо ба охир расониданамон зарур мебошад. Мушакдори пастак, мо ин корро ба итмом мерасонем, зеро чораи дигар нест», идома дод раисҷумҳури амрикоӣ.
Таи ду рӯзи ахир раисҷумҳури амрикоӣ аллакаӣ ду бор ба сарвари Кореяи шимолӣ ҳамла кардааст; каме пеш Трамп ӯро девона номид: «Ба фикрам Ким Чен Ин девона аст, ки ба гуруснаги ва ҳалок шудани мардуми худ беаҳамият мебошад», як рӯз пеш гуфта шудааст дар твити Трамп. Трамп илова карда гуфт, ки сарвари Кореяи шимолӣ бо «мушкилиҳои вазнин» рӯбарӯ хоҳад шуд.
Баёнияи мазкур сабаби аксуламали дурушти Ким Чен Ин ба баёнияи раисҷумҳур Трамп гаштааст, ки гӯё ИМА метавонад Кореяи шимолиро «тамоман несту нобуд намояд». Дар он замон сарвари Кореяи шимолӣ гуфтаҳои Трампро ҳамчун эълони ҷанг қабул намуда, раисҷумҳури ИМА-ро ноқисул ақл номид: «Эълони ҷанг ба таври нафратовар карда шуд (…) Мо чораҳои пурқуввати вокунишро дида мебароем», — ваъда дод ӯ ва боз илова карда гуфт, ки аз баёноти Трамп, ки дар ассамблеяи генералии СММ дода шуд, хулоса кардем, ки барномаи ядровии Пхенян ба сӯи дуруст ҳаракат карда истодааст.
Вазири умури хориҷии Кореяи шимолӣ Ли Ён Хо санаи 19 сентябр дар ассамблеяи генералии СММ баромад намуда гуфтааст, ки баромади Трамп ба «аккаси саг» шабоҳат дорад.
Ҳамин тавр фитнае, ки даҳсолаҳо инҷониб аз ҷониби Амрико нисбати Кореяи шимолӣ карда мешавад ба зарба рӯбарӯ гашт ва аз сабаби он ки Пхенян воситаи боздоштро ба даст даровардааст Вашингтон ба таҳлука афтидааст. Агар Кореяи шимолӣ онро моҳирона истифода бурда тавонад, ин ба «донае дар гулӯ» руст кардаи Амрико на танҳо дар Шарқи Дур, балки дар тамоми ҷаҳон ба ҳисоб меравад.
