Режими Тоҷикистон мардумро ба тайёр кардани шароб тарғиб менамояд

  Вазири адлияи Тоҷикистон Рустами Шоҳмурод санаи 2-уми октябр барои дида баромадани ислоҳот ба қонун «Дар бораи ба танзимдарории давлат истеҳсол ва гардиши спирти этилӣ ва машруботи спиртдор» ба депутатҳо пешниҳод кард. Дар ин хусус санаи 4-уми октябр хабар медиҳад радиои Озодӣ.

Депутатҳои парлумони Тоҷикистон ислоҳоти таклифшударо бо як овоз дастгирӣ намуданд. Тибқи ислоҳотҳо, акнун сокинони Тоҷикистон метавонанд расман барои истеъмоли худ машруботи спиртдорро истеҳсол намоянд.

Ёдрас мекунем, ки ҳукумати Тоҷикистон расман мазҳаби Ҳанафиро ҳамчун мазҳаби ягона барои сокинони кишвар дар сатҳи давлатӣ қабул намудааст ва бо баҳонаи ин муқобили ҳамаи намуди дигарандешӣ ва даъват ба ислом мубориза мебарад. Қабул намудани ислоҳотҳои мазкурро чунин бояд фаҳмид, ки режими кунунӣ кӯшиш дорад, то ин ки шаҳрвандонашро ба оғӯши мастиву майпарастӣ тела диҳад.

Ҷолиби диққат аст, ки мардумони Осиёи Марказӣ назар ба ҳокимоне, ки бар сарашон ба таври маҷбурӣ гузошта шудааст, бо суръати тез ба ҳаёти исломӣ баргашта истодаанд. Масалан, дар Қирғизистон таи соли ахир дар якчанд маҳалли зист дар ноҳияҳои гуногун бо қарори маҷлиси сокинон нуқтаҳои фурӯши машруботи спиртӣ барҳам дода шуд ва ба нуқтаҳое, ки машруботи спиртдоштаро мефурӯшанд ҷарима гузошта шуд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.