Дар Қазоқистон барои нашр намудани сабти овоз дар сомонаи иҷтимоӣ як зан 5 сол равонаи зиндон шуд
Дар Қазоқистон модари ду кӯдаки ноболиғ Жанна Умирова барои нашри сабти овози таблиғотии як мусулмон дар сомонаи иҷтимоии худ ба мӯҳлати 5 сол равонаи зиндон шуд. Сокини 34 солаи шаҳри Капшагаяи вилояти Алма-Ато ба назди шавҳараш, ки дар зиндон 25 сол барои иштирок дар ҷунбиши Исломӣ адои ҷазо менамуд зуд-зуд хабаргирӣ мерафт, ки он сабаби зери назорати хадамоти махсуси Қазоқистон гаштааст. Дар натиҷа аз пушти ӯ таъқибкунӣ гузаронида шуд. Дар курсии айбдоршаванда нишастани Умирова пас аз ошкор шудани нашри ӯ дар сомонаи иҷтимоӣ сабти овози таблиғотгари мусулмон Саид Бурятскӣ муқаррар шуд. Санаи 14 июни соли 2017 аз тарафи раисикунандаи додгоҳи ноҳиявии шаҳри Алма-Ато Кайрат Имонқулов қарори ниҳоӣ бароварда шуд ва занро ба мӯҳлати 5 сол аз озодӣ маҳрум намуд.
Ғайр аз ин қарори додгоҳ дар назди прокурор хонда шуд, вале ҳимоятгар, ки айбдоршаванда Умироваро ҳимоят мекард дар хонда шудани қарор иштирок накард. Ҳимоятгар дар мурофиаи судӣ ва дар охирин сухангӯӣ кардани айбдоршаванда низ иштирок накарда буд.
Жанна Умирова дар шаҳри Капшагая бо ҳамроҳи модари 65 солаи бемор ва бо ду кӯдаки ноболиғ зиндагӣ мекард. Акнун бошад кӯдакони ноболиғ дар дасти модаркалони бемор мондаанд.
