Қирғизистон ба суи диктатура: несткунии расонаҳо
Дар Қирғизистон тасмим гирифтанд, ки ниҳоят ба расонаҳои мустақил хотима диҳанд. Ҳамин тариқ, рӯзи 15 январ кормандони Кумитаи давлатии амнияти миллии Қирғизистон дар бахши портали хабарии 24.kg кофтукоб анҷом дода, таҷҳизотро мусодира намуда, директори генералии нашрия Асел Оторбоева, инчунин сармуҳаррирон Маҳинур Ниёзова ва Антон Лимарро боздошт карданд. Кормандони Вазорати корҳои дохилӣ рӯзи 16 январ дар бахши шабакаи «Темиров LIVE» кофтуков анҷом дода, таҷҳизотро мусодира намуда, 11 корманди феълӣ ва собиқро боздошт карданд. Пас аз бозпурсӣ 11 нафар аз 14 боздоштшуда ба муддати ду моҳ ба боздоштгоҳи муваққатӣ ирсол гардиданд. Рӯзноманигорони оҷонсии 24.kg барои “таблиғоти ҷанг” муттаҳам мешаванд ва нерӯҳои амниятӣ талош доранд, кормандони феълӣ ва собиқи хабарнигор Болот Темировро бо айби “даъват ба нооромиҳои оммавӣ” ба ҷавобгарӣ кашанд.
Болот Темиров ҳомии ҳуқуқи башар аз Қирғизистон ва рӯзноманигори маъруф буда, муассиси шабакаи ютуби «Темиров LIVE» мебошад, ки дар доираи он таҳқиқот дар бораи нақшаҳои коррупсионӣ дар ниҳодҳои давлатии Қирғизистон нашр шудааст. Соли 2022 мақомоти қудратӣ ба офиси «Темиров LIVE» кофтуков гузаронида, Темировро ҳарчанд ӯ зодаи Қирғизистон аст, ба Русия ихроҷ карданд. Болот Темиров боздошти кормандони собиқ ва феълии худро ҳамчун қасосгирӣ барои нашри маводҳо оиди ошкоркунии фасод медонад. «Бо дарназардошти он, ки кормандоне, ки якуним сол дар мо кор накардаанд, боздошт шудаанд, метавонем бигӯем, ки ҳадаф комилан несту нобуд кардани ҳама чизҳои марбут ба “Темиров LIVE” ва “Айт Айт Десе” аст». Ду сол пеш онҳо гумон мекарданд, ки ин кирдорашон дастаи моро хароб мекунад. Аммо ба онҳо ба натиҷае нарасидаанд. Ҳоло ин бештар ба қасос гирифтан ба назар мерасад, ки мо дурӯғи онҳоро ошкор мекунем ва ҳақиқатро нишон медиҳем», мегӯяд Темиров.
Дар мавриди сабаби аслии таъқиби портали 24.kg оем, он метавонад ба нашрияҳои он дар бораи ҳамлаи Русия ба Украина рабт дошта бошад: моҳи сентябри соли 2023 мақомоти Русия ба далели гузориши он дар бораи ин ҷанг, дастрасӣ ба ин порталро дар қаламрави худ масдуд кард. Нозирон дар Қирғизистон қайд мекунанд, ки Садир Ҷапаров ба таври усулӣ тибқи сенарияи қаблан дар Русия таҳиякардаи Путин амал мекунад, то қудрати худро мустаҳкам карда, кишварро ба як диктатура табдил диҳад. Ташкили ҷанг, несту нобуд кардани расонаҳои мустақил, боздошти мухолифони сиёсӣ, ба истилоҳ, муборизаи зидди «терроризм» ва минбаъд пурзӯр намудани хадамоти махсус, ин ҳама услубҳое мебошанд, ки диктаторон аз он кор мебаранд. Ин тааҷҷубовар нест, зеро манобеи мухталиф кайҳо боз гузориш дода буданд, ки Кремл барои “барқарор кардани тартибот” дар Қирғизистон ва таъмини назорати устувори худ тавассути як раисиҷумҳури зердасташ, технологҳои сиёсии худро ба Қирғизистон фиристодааст.
