Ҳаҷми интиқоли пулии муҳоҷирони меҳнатӣ ба сатҳи поини таърихӣ расид

Ҳаҷми интиқоли пулии муҳоҷирони меҳнатӣ ба сатҳи поини таърихӣ расид

Дар заминаи пандемия, ки имрӯз тамоми ҷаҳонро фаро гирифтааст, интиқоли пулии муҳоҷирони меҳнатӣ дар Русия қариб ба сифр баробар шудааст, ки ин барои оилаҳои онҳо дар Осиёи Марказӣ ба таври назаррас ҳис карда мешавад.

Тибқи иттилои Бонки Миллии Тоҷикистон, ҳаҷми интиқоли пул аз Русия дар соли 2019 $2,7 миллиард долларро ташкил додааст, ки ин ба буҷаи солонаи Тоҷикистон баробар мебошад. Тибқи таҳлили БМТ, дар соли 2020 ин рақам бояд то 3 миллиард доллар афзоиш меёфт, аммо коронавирус тасҳеҳҳо ворид кард, ки манзара дар шакли мутлақ тағйир ёфт ва ба ин васила интиқоли пул ба ҳадди аққали таърихӣ коҳиш ёфт.

Ворид намудани режими қатъии худтадриҷкунӣ дар минтақаи Русия ба он оварда расонид, ки аксари муҳоҷирони меҳнатӣ бе кор мондаанд. Ба ақидаи директори Институти таҳқиқоти иҷтимоӣ ва сиёсии Академияи илмҳои Русия, Сергей Рязанцев, вазъи мавҷуда метавонад сабаби ноустувории иҷтимоию иқтисодӣ дар кишварҳои Осиёи Марказӣ гардад. «Оилаҳо тавассути интиқоли пулӣ аз Русия дастгирӣ карда мешуданд ва ҳоло онҳо манбаҳои даромади худро аз даст медиҳанд. Яъне, ин на танҳо дар байни муҳоҷироне, ки дар Русия кор мекунанд, балки дар байни оилаҳои онҳо низ дар ватан боиси камбизоатӣ мегардад. Илова бар ин, он ба оқибатҳои ноустувории иҷтимоиву иқтисодӣ дар ин кишварҳо бурда мерасонад», — гуфт коршинос.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.