Ба занони тоҷик «таҳампулпазирӣ» -ро меомӯзонанд
Дар шаҳри Хуҷанд барои омӯзондани «таҳаммулпазирӣ», озодӣ ва дигар пиндорҳои дунявӣ дар байни занони тоҷик, якумин мактаб кушода шуд. Бунгоҳ бо номи «Мактаби занони сарвар» номгузори карда шудааст. Дар он аллакаӣ 20 нафар занону духтароне, ки дар соҳаҳои гуногун фаъолият доранд, таҳсил гирифта истодаанд.
Чи тавре ки хадамоти матбуотии идораи шаҳри Хуҷанд хабар медиҳад, таҳсилоти аввалро ба занони сардор намояндагони Кумитаи оид ба корҳои занон ва оилаи ҶТ Биҳоҷал Раҳимова -шаҳрванди боифтихори шаҳри Хуҷанд гузаронданд. Инчунин, ба ӯ дигар фаъолони вилоят низ кӯмак намуданд. Ба ҳар як гурӯҳи занони мактаби мазкур курсҳо дар давоми се моҳ гузаронида мешавад. Пас аз ба итмом расидани курсҳо ба хатмкунандагон гувоҳиномаи Зани-сардор дода мешавад.
Ёдрас мекунем, ки солҳои охир режими Раҳмон ба самти занони Тоҷикистон фаъолиятро хеле вусъат додааст. Аз як тараф ҳукуматдорон бар зидди либоси исломӣ ва ҳиҷоб мубориза мебаранд, аз тарафи дигар ба ҷавондухтарони тоҷик барномаҳои маърифатӣ ва қадриятҳои Ғарбро таҳмил менамоянд.
Ба муносибати ин бояд суханони мутафаккири фаронсавии асри XIX Алексис де Токвилро ба ёд овард, ки гуфта буд:
«Инсонҳое ҳастанд, ки марду занро на танҳо дар баробарӣ, балки дар шабоҳат доштан низ саъю талош меварзанд. Ба ҳар дуи онҳо ҳуқуқҳои якхела дода, маҷбуриятҳои якхеларо низ мегузоранд. Онҳо мехоҳанд, ки марду зан як хел кор кунанду як хел вақтхушӣ гузаронанд. Аниқ аст, ки ин «баробаркунӣ» натиҷаи хуб надорад ва ба таназзули тарафайн гирифтор шуда, «мардон заиф мешаванд, занҳо бошанд бадахлоқ мегарданд».
