Бонки миллии Тоҷикистон ба шахсони ноиб набуда интиқоли маблағро манъ намуд

Чи тавре ки ОИ «Азия-Плюс» аз 7-уми май менависад, Бонки миллии Тоҷикистон ба санадҳои меъёрҳои ҳуқуқӣ оиди интиқоли маблағ тағйиротҳо даровардааст.

Сокини Тоҷикистон ба хабарнигорон оиди интиқол намудани маблағ ба кишвари Украина нақл намуд. Ӯ мехостааст ба наздикони худ маблағ интиқол намояд. Вале ҳамаи бонкҳои муроҷиат намудааш ба дархости ӯ изҳори рад намуданд.

«Дар бонкҳои муроҷиат намудааш ба ӯ гуфтанд, ки аз тарафи Бонки миллӣ дастуре дастрас намуданд, бинобар он интиқоли маблағ аз тарафи шахсони воқеӣ ба шаҳрванди хориҷӣ ғайриимкон мебошад. Яъне, шаҳрванди Тоҷикистон ба шахрванди хориҷӣ ҳуқуқи интиқол намудани маблағро надорад», — мегӯяд ӯ.

Моҳи марти соли ҷорӣ Бонки миллии Тоҷикистон тағйиротҳои нав дар «Тартиботи гузаронидани амалиётҳои интиқоли маблағ аз тарафи шахсони воқеӣ бидуни кушодани суратҳисоби бонкӣ» — ро қабул намуд. Тибқи тағйироти нав шахсони воқеӣ, яъне шаҳрванди ҶТ бидуни кушодани суратҳисоби бонкӣ метавонад ба миқдори то 1750 нишондоди ҳисоб (87,5 ҳазор сомонӣ) ба ҷониби дигар шаҳрванди ҶТ интиқоли асъор намояд. То ба ин дам шаҳрвандон метавонистанд ба миқдори то 28 ҳазор сомонӣ интиқол кунанд. Айнан чунин амалиёти бонкиро шаҳрванди ҶТ ба ҷониби шахсе, ки шаҳрванди хориҷӣ мебошад ҳуқуқи интиқол намудани маблағро надорад.

Тибқи тартиботи БМТ шаҳрванди ҶТ ба ҷониби шахсе, ки шаҳрванди хориҷӣ мебошад дар ҳолатҳои истисноӣ метавонад интиқоли маблағ намояд.

Оиди қабул намудани чунин тартибот аз тарафи БМТ то ҳол баёноти расмӣ дода нашудааст.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.