Даҳ рӯзи ҳабс барои танқиди мансабдорони маҳаллӣ

Сокини ноҳияи Рашти ҷумҳурии Тоҷикистон Ҳикматулло Мардонхӯҷаев бо парвандаи ҷиноии бофташуда оиди ҳуқуқвайронкунии маъмурӣ ба мӯҳлати 10 рӯз дар боздоштгоҳи муваққати нигоҳ дошта шудааст. Ин ҳодиса дар маҷлисе, ки барои бартараф намудани оқибатҳои фуромадани дарҷ ба вуқӯъ пайваст шуда буд, ки дар он ӯ  мансабдорони маҳаллиро танқид намуда гуфтааст:

«Ҳукумат ба ҷои ёрӣ кардан ба мардум, мардҳои ба сини нафақа нарасидаро ришҳояшонро маҷбуран метарошанд, занонро бошад бе ҳиҷоб ба кӯча баромадан маҷбур мекунанд».

Пас аз ба итмом расидани маҷлис ӯро боздошт карданд ва бо моддаи 460 (майдаавбошӣ) Кодекси ҶТ оиди ҳуқуқвайронкунии маъмурӣ, ки «Барои дар ҷойҳои ҷамъиятӣ дашном додан, ба таври таҳқиромез дарафтодан ба одамон, ҳамчунин содир намудани дигар кирдорҳои ба ин монанд, ки тартиботи ҷамъиятӣ ва осудагии одамонро халалдор мекунад, — ба андозаи аз ҳафт то даҳ нишондиҳанда барои ҳисобҳо ҷарима ё ҳабси маъмурӣ ба мўҳлати аз панҷ то понздаҳ шабонарўз ҷазо таъйин карда мешавад».

Вале тибқи суханони Саидаброр ки яке аз сокинони ҳамин минтақа аст ва иштирокчии ҳамон маҷлис буд, раисони ноҳия чи тавр оқибати фуромадани дарҷро бартараф месозанд, ҷавоби дуруст дода натавонистанд.

«Ин аксариятро ба хашм овард, вале танҳо Ҳикматулло барои изҳори раъйи худ ҷуръат намуд. Ӯ гуфт, ки ҳукумат ба ҷои ёрӣ кардан ба мардум, мардҳои ба сини нафақа нарасидаро ришҳояшонро маҷбуран метарошанд, занонро бошад бе ҳиҷоб ба кӯча баромадан маҷбур мекунанд».

Ёдрас мекунем, ки аввалҳои моҳи июл дар натиҷаи фуромадани дарҷ даҳҳо хонаводаи ноҳияи Рашт зарар диданд. Сокинони маҳаллӣ барои бе ҳаракат будани ҳукуматдорон шикоят карда, бо қувваи худ оқибати офати табиӣро бартараф сохта истодаанд.

Поделиться ссылкой:

Хабарҳо

Портали иттилоотӣ-таҳлилии «Хабарҳо» барои таъмин намудани ҷомеа бо баҳогузории мустақил ва объективӣ аз воқеаҳое, ки дар саросари ҷаҳон, Осиёи Марказӣ дар умум ва хусусан дар Тоҷикистон рӯй медиҳад, тасмим гирифтааст. Инчунин портал дар назди худ вазифа гузошт, ки ба воқеаю ҳодисаҳое, ки вобаста бо Ислом ва мусулмонони тамоми ҷаҳон рӯйдиҳанда равшанӣ дарорад. Портали «Хабарҳо» бо блогерҳо, сиёсатшиносони мустақил ва бо коршиносони тамоми соҳа ва аз тамоми ҷаҳон, инчунин аз Тоҷикистон ҳамкорӣ мекунад. Дар кишварҳои Осиёи Марказӣ портали «Хабарҳо» манбаҳои мустақили хусусӣ дорад ва дар вақти нашр кардан манбаҳо барои тасдиқ ё инкор намудани воқеаҳо истифода бурда мешавад. Портали иттилоотӣ-таҳлилии “Хабарҳо” мустақил буда, бо ягон гурӯҳҳои мухолифин ё ҳокимиятҳои Осиёи Марказӣ ҳамкорӣ намекунад.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.